Zaineb S. - زينب س
الجزء السابق

هار جاو لدار هو و جماعة الفرقة عندهم برشا خدمة ليمات مع زبيدة الصيف قرب و العرابن بدات و هي تحضر في غنيات جدد ، حاسيلو جاو مشيت حليت عليهم كالعادة نلقاه فاللخر الفرقة دخلو سايي جيت ماشية جبدني باسني من خدي و دخل يضحك ، وجهي حمار و دخلت بعضي دخلت طول نجري للكوجينة يدي على خدي حسيت سخانة طلعت لراسي مله مهبول والله كان يرانا حد مشينا فيها ..

حضرت شنوة بش انضيفهمسي بون قهاويهم حاضرين ، هزيتهم يدي ترعش صينية معبية وصلت لصالة مديت لزوز ماللول و بعد كيف وصلت ليه هو انا جيت بش نمدلو و هو غمزني تربثت كبيت عليه القهوة سخونة ..اوووه عليا ، قام ينفض في دبشو ،..سامحني سامحني يا سي سيف والله مش بلعاني ،قامت زبيدة من غادي هكا هكا ماو حل عينيك ، كيف راها كلمتني هكاكا قلها لا لا ما صار شي شوية قهوة و ما فيها شي ..

جاتو زبيدة تجري تنفضلو في حوايجو نرفزتني كيفاش حطت يديها عليه ، دارتلي ، خديجة هزو لبيتي اهوكا الفاليجة الزرقا فيها تبديلة الفرقة اعطيه يلبس حاجة و اغسلو السورية متاعو ..باهي اتفضل سي سيف ..طلعت فالدروج و هو يتبع فيا و يحل في قفافل السورية ، وصلنا لبيت النوم حليت الباب دخلت دخل ورايا و سكرو نحا السورية و رماها فوق الكرسي ، عملت روحي ما ريتوش بديت انلوج عالفليجة ، قرب مني جيت بش جبدني لصقني على باب القارد روب ..ووه سيف سيبني فاش تعمل ..هكا تكب عليا القهوة اش نعملك انا توا ..

ماو قوتلك سامحني مش بلعاني ، نتكلم مربوثة ، شدلي يديا الزوز دورهم ورايا بيد وحدة و قربني بعدلي شعري بيظو لخرا و غزرلي لشفايفي ،انا قلبي بدا يدق بالقوي ، قربني باسني غمضت عينيا و ما فهمتش شنوة نعمل ، خليتو هو يبوسني و اكهو ، وقف و انا مغمضة عينيا و حالة فمي ، نسمع فيه يضحك حليت عينيا نلقاه يغزرلي و يضحك وجهي حمار و حشمت مالموقف اللي حطني فيه نطرت يدي و قتلو : ابعدني اش يضحك فيك ..بكة حبي ما تعرفش اتبوس ..

درت جبدت سورية رميتها عليه خطفها بيدو ، جيت ماشية ، خديجة .. درت رمالي السورية متاعو : و هذي نسيتها حبي ولا البوسة دوختك ..بفففف هزيتها و انا انغزل عليه كان لقيت راو عطيتو كف ... هبطت و بعد شوية هبط بعدي انا بقيت فالكوجينة انغزل و بعد شدني الضحك يا برسمي انا بكه قد ما تفرجت في مسلسلات ما تعلمت شي ههه شديت السورية متاعو شميتها ايييه محلا ريحتو و محلاه ، غسلتها و حطيتها اتشيح ، لين روحو و انا سارحة نتبسم وحدي ..في الويكاند زبيدة ماشية عندها سهرية بالمباته بلاصة بعيدة وصاتني عالدار و مشات ..

بقيت انخمم زعمة سيف مشا معاها ولا لا ، انا اكاكا انخمم و التلفون صونا ..هو هو هزيت ..الو ..الو حبي ما توحشتنيش ؟! سيف والله توحشتك اما للا ليمات تحضر للحفلة متاعها تهديت بالخدمة ..اي في بالي بيها ..انا مشى في بالي مشيت معاها ..لا ممشيتش عندي خدمة هوني ..اممم خير ..

علاش متحبنيش نمشي معاها ..لا لا خدمتك ..هههه تي يزينا عاد حبي غاير ..ههه اي ..باهي انا توحشتك برشا بش انجي انطل عليك ..لا ووه هبلت وين عندك بش اتجي ..متخافش زبيدة كانت معايا فالتلفون ما تروح كان غدوة لعشية متخافش انجي انسلم عليك و نمشي ..باهي ما تبطاش ..باهي يا بكتي ههه..علقت عليه .....