Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #5

zaineb-roman-derja-artista-tunisieZaineb S. - زينب س

الجزء السابق

دخلت للكوجينة نسمع فيهم بداو يبرفو انا سرحت مع الموسيقى و بديت اندندن و انغني وحدي ...ايييهاك عندك صويت..وه سي سيف فجعتني ..اللطف عليك زيد سمعني ..اي لا والله كان تسمعك للا ما تقيم قيامتي ..ساعة ما تضهرليش خوافة ..ايييه الخبزة مرة تخليك تخاف و تتذل ..سكت ..حاجتك بحاجة سي سيف ..

دخل اه اي جيت على كاس ماء ..عبيتلو كاس ماء مديتهولو ، انا مديتو و هو شد يدي و الكاس و بعد خذاه و ضحك و خرج ..ترميت عالكرسي بجنبي بففف قلبي يدق .. ستنيتهم روحو و قلت لزبيدة بش نخرج نقضي عنا برشا حاجات ناقصين فالدار ..قتلي برا و ما تبطاش ، خرجت انا درت الدورة و حسيت بكرهبة اتبع فيا بدلت الثنية شي وقفت في بالي بش نعمل عرعور و اوب نلقاه سيف صار هو انت ضحك و قلي اطلع اطلع ..لا ووه وين عندي نطلع ..

تي شنوة توا بش نقعد هكا فالشارع نحاصر فيك اطلع ما تخافش ..خايفة نتلفت انثبت فالشارع لا يراني حد و بعد طلعت ..تفضل سي سيف نسيت حاجة ..تي يزيني عاد بلا سي سيف انا نسيت روحي عندك تنجم ترجعهالي و غمزلي ..انا بلعت ريقي .. اييه مله حشامة في بالك اللي لازم انتي تكون الفنانة مش عيشة راجل عرفتك ..هههه يا سي سيف حرام عليك يزي مش صحاب انت وياها ..تي الخبزة كيفما قولت انتي هي اللي لمتنا ..سكت شدني من يدي حطلي ورقة في يدي ..شنوة هذي ..نومرويا كلمني عليه لازمنا نحكيو ..باهي لازمني نمشي لا تستبطاني و تعمل فيا ..هبط مشيت قضيت فيسع و روحت ، خبيت الورقة و ضربة ضربة نعمل عليها طلة النومرو حفضتو بالعمل ...

شديت روحي بش منكلموش ما نجمتش ستنيت زبيدة تخرج و كلمتو ..الو .الو وينك شبيك بطيت عليا ..كيفاش عرفتني ..هههه اموري اذيكا ..هههه علاش حبيتني نكلمك ..هههتسال فيا خاطر ما تعرفش ولا تحب تسمع لكلام من عندي ..كلام شنوة اللي نحب نسمعو أما عندي فضول علاش تحب اتكلمني ..خديجة مش بش انطول عليك انا مللي ريتك عقلي طار نسيت روحي انتي ازين مرا ريتها في حياتي ..(انا ساكتة نسمع فيه و طايرة مالفرحة اول مرة حد يقولي هكا )خديجة تسمع فيا مازلت معايا ..

اي اي سيف نسمع فيك ..اييه محلاها سيف من فمك نطمان توا كان جيت بحذايا راو ..قصيت عليه ، سيف سامحني لا لازمني نسكر توا ، علقت فيسع حملت التالفون و بديت انقز وااااي حتى هو طلع مضروب فيا ايييه زعمة يا خديجة الدنيا بش تزهالك سايي و توفا ايامات التمرميد ..من نهارتها و احنا نحكيو فالتلفون بالاخص فالليل كيف انكمل الخدمة و انشد بيتي ولا تبدا زبيدة مش فالدار كل يوم انزيد نتعلق بيه برشا حفظت كلامو الكل نبدا نستنى فيه وقتاش يجي لدار....



زينب س.


Saveارتيستا #5