Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #34

zaineb-roman-artistaZaineb S. - زينب س

احنا اكاكا و وليد دخل : اه شنوة كسرلك راسك بحكياتو ..انا ضحكت:لا جملة مهدي عسل الدنيا ..وليد غزرلو: اه معلم لقراية عاد نسيتها اكيد ..تي انا قراية ياخي ما في بالكمش ؟؟!!.. انا : في بالنا بشنوة ؟ ..مهدي: لبلاد خايضة و الدنيا الكل مسكرة لا ثمة لا قراية لا والو ..وليد : علاش اتكلم..مهدي: واحد في سيدي بوزيد حرق روحو و من وقتها لبلاد دخلت في حيط مظاهرات و اعتصمات و شي يوقف المخ ياخي وينكم وين عايشين ..وليد: منين تحبنا نعرفو لا تلفزة لا تلفون..مهدي قام: ايا جماعة نخليكم انتوما برسمي كيف اهل الكهف وليتو ..روح مهدي و ما تعداتش النص ساعة و الباب دق بالقوي ..غزرت لوليد ..شنوة زعمة مهدي نسى حاجة ..مشى يحل و يلقى......


حلينا الدار تعبات بالحاكم هزونا و انا و وليد نغزرو لبعضنا و اكهو ساكتين عرفنا اللي حكايتنا وفات ..هزونا ركبنا في زوز كراهب اما مش مع بعضنا ، انا ساكتة و دموعي هابطة سايي حياتنا وفات حكايتنا وفات و كل شي وفا و شي ما عاد يمنعنا ..هزوني توقفت في بلاصة ما نعرفهاش ما قالولي شي صحت عيط فهموني كلموني باهي نحب نكلم المحامي متاعي شي يجيني كان الماكلة و اكهو ما ثمة شي مخي تحرق في بيت ظلام وحدي فيها فرش حديد و فوقو جراية كي بيها كي بلاش اخيب احساس فالدنيا فهمت قيمة الحرية اللي كنت عايشتها جمعتين ما شفت حد ما كلمني حد قالولي عنا اوامر بتوقيفك و اكهو باهي شنوة تهمتي ما ثماش جواب بديت نأيس و دموعي كفو ما عادش عندي دموع نخمم كان في وليد حبيبي انا السبب يا ربي انا السبب في كل شي شنوة ذنبو هو في هذا الكل ..نهار دخل عليا عون ..شهرزاد ايا اجا ..شنوة ؟ امشي تو تفهم ..دخلوني للبيرو متع المدير متاعهم ..مدام شهرزاد تفضل اقعد ..قعدت باهتة ..مدلي دوسي : صحح هنا عيشك ..شنوة هذا ؟ .. بش تروح على روحك ..شنوة هكا بالسهولة هذي ..اي هكا ..فهموني كيفاش ..ايا عيشك صحح هنا و احمد ربي اللي ما لقاو عليك شي ..صححت مش فاهمة شي مصدومة نمشي جهامة عالارض ..خرجت كيفما دخلت و الصدمة كانت......

نلقى وليد و مهدي يستناو فيا منغير ما نشعر بروحي نجري نحمل في وليد و نبكي ..وليد وليد لباس يا روحي ما صارلك شي ما عملولك شي ..لباس لباس انتي لباس ما مسك حد ..لا ما كلامني حد ..مهدي يغزرلنا و يضحك ..اوو يا جماعة مازلت هنا راني ..درتلو : مهدي كيفاش خرجنا شنوة صار حتى محامي ما خلاونيش نقابلو ..يخلف على الثورة ..ثورة ؟؟؟ ..وليد : امشي تو نحكيو فالكرهبة ..طلعنا تلفتت لمهدي : مهدي احكيلي شنوة لحكاية ..قد ما نحكيلك ما تصدقش الدنيا تقلبت و انتوما فالحبس لبلاد ما حبتش تركح كل يوم مظاهرات فالولايات الكل ..علاش هذا الكل.. الناس فدت طارتلها مالظلم متاع الجميعة ..ااااي ( انا نسمع مصدومة يمكن كان قالولي اللي صار معايا مسلسل منصدقش ) .. مهدي: اي اكهو لمعلم قطع ..حالة فمي ..و لسعد ؟؟؟.. تكلم وليد : لسعد شدوه فالمطار هارب و توا فالحبس و ما ضاهرلي كان مازال يخرج منو ..صحت فرد صيحة ..مستحييييل يزي يزي ما عادش تحكيولي بش نهبل ماعادش نجم نستوعب اللي صار يا ربي انا قولت لازم معجزة بش نخرجو مالمشكلة اما لسعد فالحبس هذي اخر حاجة كنت نتوقعها ...

وصلنا قدام داري هبطنا دخلنا نلقى الدار مفروتة اثاث فالقاع دنيا الكل مكسرة تصدمت غزرت لوليد ..عادي نورمال و حط يدو فوق كتافي لزني ليه ..غزرلنا مهدي : شهرزاد اجا معانا امي محضرة فطور اليوم على سلامتكم ..غزرت لوليد ..قالي : هيا ..باهي استناوني نحضر روحي و انجي ..عملت دوش بدلت دبشي و مشيت معاهم طاطا عرضتنا تزغرط و تحمل و تبوس في وليد و تبكي سخفتني ، حاشمة منها عالاخر قلت بش تقولي انتي السبب انا بصراحة نعذرها لكن بعد فهمت مهدي و وليد لشكون طالعين فرحت بيا و تجاهلت الموضوع ..روحت ليلتها حمدت ربي برشا و مازلت مش مصدقة شنوة اللي صار......



زينب س.
Saveارتيستا #34