Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #24

zaineb-roman-artistaZaineb S. - زينب س

دخلت لبيتي اتكيت فوق فرشي و اطرشقت بالبكاء و رقدت ، قمت الصباح نجري بروبتي و عينيا منفوخين و مكياجي داخل بعضو ندق ندق عليه بالقوي خفت لا يطلع مشا و خلاني حل الباب مش يغزرلي جملة كيف ريتو طرت بالفرحة اما ما شلقتش على روحي ..

وليد لازم نحكيو ..قص عليا ..شوف مدام شهرزاد انا مش ساقط بش نخليك هنا وحدك و نروح بش نكمل خدمتي ( و قال خدمتي بسوط اوضح ) و بعد شوف حد غيري انا تجاوزت حدودي برشا و مشى و خلاني ..

شنوة بش نعمل تذكرت لازمني نحكي مع مدير لوتيل اكيد فد عليا و انبوسيبل كان مازالو يعيطولي على سهرية بففف هذا اهم اوتيل فالبلاد مله مشكلة تحطيت فيها مشيت حكيت معاه تصدمت لقيتو متفهم و هو طلب مني السماح عالاحراج اللي صارلي مالحريف متاعهم و قلي مذابيا تزيد تكمل الليلة ديجا قرتوي من عندهم ايييه رجعت فرحانة و مرتاحة رجعت لبيتي نحاول نرقد شي مخي مع وليد وين مشا زعمة حتى فالوتيل ما ريتوش ...


تعدا النهار و الليل طاح و وليد ريحتو ما ثماش توا 1:00 و انا نكلم فيه ميهزش ماعادش انجم انشد روحي خرجت لوجت الدنيا الكل الكلوار المطعم الجردة عالبيسين و فالاخر جا على بالي البار ، مشيت الدنيا ضلام غادي و ضو خفيف نلوج عليه و اللي توقعتو صحيح نلقاه غادي يشرب ..مشيتلو ..نحيتلو الكاس من يدو نلقاه خيط ..وليد تنجم تفهمني فاش قاعد تعمل ..نطرلي الكاس من يدي و حقرني ..عاودت نحيتهولو ..قوم قوم امان يعيشك الناس تتفرج فينا ..قام معايا دورت يدو على كتفي و هو حيط يهز و حيط يجيب وصلنا لبيتو دخلنا رميتو بالسيف فوق الفرش جبدني معاه جيت بحذاه جيت بش انقوم جبدني قعد يغزرلي ما فهمتوش قالي: مازينك ..عينيه جات على شفايفي قرب مني انا زادة قربت منو و بسنا بعضنا بعد بعد عليا و اتكا فوق الفرش و غمض عينيه و رقد ..خرجت يدي على فمي مش فاهمة شي شنوة اللي عملتو قعدت انعارك في روحي و بعد تذكرت قلت مش واحد كيف يبدا سكران كيف يقوم ينسى اللي عملو اكيد وليد بش ينسى .. لا لا امبوسيبل يتذكر تي كان جا فايق ما يعملهاش اصلا هو فاد عليا و كرهني ..اما طعمة البوسة قعدت في بالي و حسيت بحاجة مش عادية ما حسيتهاش قبل اي اي حتى مع سيف ما حسيتهاش ....



زينب س.

Saveارتيستا #24