Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #21

zaineb-roman-artistaZaineb S. - زينب س

في حضنو مانيش مصدقة احساس ولا اروع حسيتو قوي حضنو دافي حتى كان ما يحكيش برشا اما الكلمتين اللي قالهملي رتحوني و هداوني ..بعدت و حسيت روحي باردة فق بيا نحا فاست الكوستيم حطها فوق اكتافي و قالي : ايا وقيت ؟ ..اي اي هيا ..(كنت نتمنى juste نبقا معاه كنت خايفة من روحي منحبش نقعد وحدي و انعاود انواجه روحي و نتذكر سيف خايفة خايفة برشا و اول مرة نحس روحي وحيدة و ما عندي حد )

و احنا فالطريق مروحين ساكتين و انا انخمم قولت اكيد اي انسان فالدنيا عندو حد يشكيلو همو يبكي على كتافو كان انا نغني قدام الالاف و نروح نبكي وحدي ، درتلو غزرتلو على جنب و بقيت انثبت فيه ، محلاه سرحت فيه دارلي تربثت ..شهرزاد سافا توا.. اي اي الحمدلله عيشك ..رجع يسوق و ما قال شي ، وصلنا هبط دخلنا وصل لباب الستديو مشيت شوية رجعتلو..وليد الفاست ..خلاها ..لا ميسالش عيشك..خذاها ، قعدت نغزرلو و جيت ماشية اه باهي على خير ..تصبح على خير ..مشيت شوية و هو مازال يحل فالباب ..وليد ..وي ..قعدت متردده شوية ..بش ترقد توا ..مازلت شوية ..

غاضتني روحي دموعي هبطت غزرتلو ..امان وليد اجا اسهر بحذايا لين نرقد ما نحبش نبقى وحدي..بقى باهت فيا سكت شوية و بعد قالي : باهي اوكي ...

فرحت برشا مشينا دخلنا لدار شعلت الضو ، حط الفاست عالكنابي و قعد ..وليد خوذ راحتك حل التلفزة كان تحب انا فيسع بش نطلع انبدل دبشي ..طلعت فيسع اووف شنوة بش نلبس ، جبدت روبة قطن خلعة روز و فوق الركبة شوية و و شديت شعري الفوق و في ساقي شلاكة بصبع بريشة فالروز و الابيض و غسلت وجهي نحيت المكياج ايه محلاه الشعور بالراحة اوووه نسيت الراجل خليتو يستنى ، هبط لقيتو ينعس مغمض عينيه ، سمعني هبط فالدروج فاق ..يا وليد باين فيك تاعب سامحني ..لا لا مش مشكل على كل حال هذا وقت خدمتي ديجا ..لاااا عاد انسالي الخدمة انت توا كيف....غزرلي يستنى شنوة بش انقول ..ايه كيف صديقي بطبيعة ..مشات معاك و غمزلي ..( يا ميمتي مله غمزه) قعدت بجنبو خذيت télé commande ..

اممم انحطو فيلم ..حط ..شنوة تحب ..كيفما تحب انتي ..نلقى فيلم اكسيون حطيتو مشيت للكوجينة حبيت نعمل pop corn حطيت الطنجرة فوق القاز حطيت زيت و pop corn و خرجت نتفرج و انسيت ال pop corn , نتفرج ..اووووووه يا وليد..فجعتو ، نقزت ادعثرت جيت فالقاع و بعد زدت قمت نجري للكوجينة و هو جا يجري ورايا نلقى لقطانية طايرة في كل شيرة نخبي في وجهي بيدي ، اي اي يا وليد لغطاء ..شنوة ..تي لازم انغطيها نسيت اوووف..ما نجمتش نوصل للغطاء مشى جبدو و غطاها و اخيرا غزرنا لبعضنا و اطرشقنا بالضحك ..يا مدام يضهرلي ما عندكش مع الكوجينة (ضحكت في قلبي تي انا مولودة فالكوجينة) ..شمر ليدين متع السورية متاعو و عاود جبد طنجرة صب فيها قطانية و اوب حطها اطيب و المرة هذي غطاها و غزرلي ( غزرة متع ريت كيفاه يعملو ) محلاه و هو في كوجينتي بففف سيكسي عالاخر هههه....




زينب س.

Saveارتيستا #21