Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #20

zaineb-roman-artistaZaineb S. - زينب س

تعداو نهارين نفس الروتين النهار الثالث جاتني الفرقة بش انبرف عندي سهرية مهمة بش يحضرو فيها برشا كوادر كبار فالدولة منهم وزير ، وقتها ثمة مناسبة وطنية و اختاروني انا بش نغني فيها bref جات الفرقة هوما داخلين و وليد لبرا فالجنينة يتكيف متكي علي حيط الستديو، مشيتلو ..وليد هاذم الفرقة متاعي ..اي نعرفهم ..اه بش انبرفو عندي حفلة مهمة برشا ( ما فهمتش علاش انحب انبررلو ) باهي تحب تجي بحذانا ..

لا خليكم على راحتكم ..ما تحبش تسمعني نغني ..باهي اوكي ..فرحت برشا ، بدينا انبرفو تمرنت على غنياتي اللي بش انغنيهم و جات غناية اللي نحبها برشا《 الف ليلة و ليلة و جا المقطع هذا غنيتها و انا مغمضة عينيا 》 ياللي كان طيفك على بالي و انا بتمناه مش حتصدق ايه كان حالي قبل ما القاه ، كنت بحسد كل فرحة اشوفها بين قلبين ، كنت اغير من اي نسمة حلوة بين حبيبين و لما صحيت على حب و شفت الدنيا من عند اتمنى لو كل العشاق بيحبو زي انا ما بحبك ......

حليت عينيا نلقاه يغزرلي و سارح فيا كيف فاق بيا نغزرلو دور وجهو ، كملت الفرقة الكل صفقولي و هو جاني..سامحني لازمني نخرج توا..وين ماشي..بقضية..باهي امان ما تبطاش سويعة اخرى و نخرجو..اوكي..مشى قعدت انتبع فيه بعينيا ايي شهرزاد فيق نورمال انتي بش تشلق على روحك ، داكور مزيان اما شفت ما ازين منو برشا ما نعرفش الراجل هذا فيه حاجة سبسيال ما فهمتهاش..حضرت روحي لبست كمبنيزون فلوري و معاها ساك انكلينا و بالرين في ساقي (فديت مالطالون) خرجت نلقاه يستنى فيا..ايا نمشيو..اوكي..طلع فالكرهبة طلعت بجنبو غزرلي و سكت..وين..اه اه اي نمشيو لسونتر كومرسيال ***** اوكي..وصلنا درتلو..اهبط ..شنوة ؟ ! ..اي اهبط معايا مش القارد كور متاعي ..اوكي ..باين فيه ماعندوش مع الشبينغ و الحكايات هذوما جملة و ساعة ساعة يوقفني حد يسلم عليا ، وصلنا لبوتيك مضخم برشا يبيع الكوستيم متع الرجال ، دخلنا ..طحت نختار فالكوستيم و هو مش فاهم شي ، خترت 4 كوستيمات يفتقو و مشيتلو ..وليد نحبك تقيسهم ..هز حواجبو ..علاش ..شو نحب كيف تبدا عندي سهرية تلبس كوستيم ما يجيش في اوتيل 5* ولا سهرية و انت لابس pull و jean ..لا عيشك انا هكا نلبس ..وليد امان انا exigeante برشا في خدمتي و نتلهى بالتفصيل الكل بربي عيشك ..اوووف (نفخ )و حك لحيتو ..اسمعني على شرط ..شنوة ؟! ..تقص حقهم من شهريتي ..هههه وليد انا عاملة budget للبسة متع الفرقة و قريت حسابك معاهم ما تقلقش روحك ..هذا اخر كلام عندي ( يا ميمتي ما صح راسو ) باهي يا سيدي اوكي هيا عاد برا ..مشى دخل قاس كوستيم فالازرق سورية بيضة ، خرج واو بقيت نغزرلو ..وليد يا مله ذوق عندي ياسر جاوك محلاهم قمت فرحانة بيه كايني نلبس في ولدي مشيت ريقلتلو الكرافات حسيت روحي ياسر قربت منو بعدت ..محلاها قيس الثانية ..حسيلو ساعتين و هو مسكين يقيس و ينحي و انا نتفرج ههههه، كملنا روحنا ...

جات السهرية حضرت روحي و خرجت مشينا طلعت نغني ناس كبارات حاضرين فنانين ممثلين موسيقيين تلفزة تصور نغني شايخة و نرا شكون سيف لا مستحيل يا ربي مش توا حسيت صوتي تخنق و ساقيا يرعشو ماعادش انجم ناقف جات العين فالعين كبر شوية و ضعف في بالي نسيتو اش مجيبو بالاخص يعرف اللي انا بش نغني الليلة جرايد الكل حكاو لا يا ربي جاب ربي هذي اخر غناية كملت هبط نرعش منجمتش انكمل كلمت وليد و قوتلو بش انروح خرجت نلقاه يستنا حليت الباب طلعت بجنبو ساكتة ..درتلو : وليد امان منحبش نروح لدار.. دارلي مستغرب وين تحب تمشي امخر توا ..ما نعرفش هزني وين تحب ..هزني عالبحر بلاصة فارغة و ما فيهاش برشا ناس ديجا الوقت امخر ، هبط انكركر في روبتي هبط ورايا وقفت و نسمة لبحر مطيرتلي شعري ، ما نجمتش انشد روحي اكثر و اطرشقت بالبكا ..جاني .. شهرزاد شهرزاد شبيك( اول مرة ميقوليش مدام ) حسيتو مفجوع عليا غزرتلو عينيا معبية بالدموع و المسكارا و الكحل سالو وليت حالة ، شدلي راسي بين يديه و مسحلي دموعي بصوابعو ..بقيت نغزرلو ..وليد ..قولي.. حملني امان ..بقا يغزرلي شوية و بعد جبدني حملني ( كنت مستحقة مرة في حياتي حد يحملني و يطبطب عليا ) و عدا يدو على شعري و قالي ..ميسالش ابكي بش ترتاح بكيت بكيت عندو لين تعبت ، هزيت راسي نلقا السورية متاعو بليتها بدموعي و المكياج متاعي صبغ عليها ..يا سامحني وليد والله نسيت روحي ..جيت بش نبعد عاود جبدني و حملني ......



زينب س.

Saveارتيستا #20