أول مرة نغزر لروحي ما نعرفهاش ! المراية نكرت وجهي و وجهي نسى شكون وجهو !  ماخيبها كي ترى روحك تبدلت ! ترى النقمة فيك ! في عينيك نقمة على روحك في روحك ! ترى الالوان الكل كحل ! ترى في الناس الكل مش موجودين ترى ف روحك وحدك لا كتف تنجم تتكأ عليه ! تحس إلي الأحضان بكلها شوك بكلها مصلحة بكلها هم أزرق ! سم يتحس ما يتحكاش ! ! !

تحس روحك كي العريان قدام بحر هايج في صحراء و الدنيا مغيمة في عاصفة بقوتك ما تنجمهاش ! تنجم كان تدعي لربي ينجيك و يرجعك للإستقرار الي كنت فيه تتمنى لو أنو هذا الكل كابوس و باش تفيق بعدو وتحمد ربي ! لكن ... الحقيقة ديما توجع بالاخص كي تقرص روحك مرة و اثنين و ثلاثة و تحس القرصة و ما تنجم تتمنى وقتها كان الموت و الا النسيان ! ترى روحك هايم تايه ! مريض و محتاج يد قوية توقفك على ساقيك ! من جديد ! تنسيك تعبك و تمسحلك دموعك لين تكفّ جروح عينيك !