سمعت الصوت و لبيت ! نادوني و نا ما رضيت الروح هاربة و اليد مربوطة و آنا ڤليل الحيلة تكوني بالحيلة ! قلوبهم جايعة و عڤولهم ضايعة

نا عندي ربي نرجا فيه و نڤول يا ربي ها عالي ما تحرڤ ڤلب الأميمة ها ربي نا و هو صغار نا ولد عمك نرجى نرجعو نغنو و نصوتو بعضانا نضحكو و نتسامحو و نكبرو و تطوال شلاغيمنا !

نا هو الراعي هاك الشنتي إلي غدروه بالموت  نا هو الي تحرمت نا هو الي تذبت و مشيت و ما عاد راجع نا هو الي في العريشة ردوني براسي لميمتي ! نا هو الي دفنوني براسي نا هو الي دمي سال عل جالك يا بلادي علجال معزاتي عل جال تمنيت نعيش لكن بو لحية و خيشة ما رضاوني نعيش

ڤولو ل أما ما تبكيش ڤولو لتونس يزكي ما تروي بدوم شربتها صحاب الڤلوب الميتة . ڤلوبهم بلا ڤلوب ناس ربهم الإرهاب و آنا ربي واحد ! آنا ربي العالي و هم ربهم تحت السماء ! آنا ربي غفور رحيم كريم لطيف وهم ربهم لادين و لا رحمة و لا لطف !

! آنا همي ناكل و نعيش و نضحك و هم همهم يسرڤولي الضحكة

آنا و آني و آنا و أني  كلنا تونس و كلنا موجوعين من شمالهى لجنوبها من شرقها لغربها من بحرها لخضارها لصحرتها لجبالها مقهورين ! الله يعليك يا تونس