نسمة بنينة باردة ! وكلمة من عند الحنينة

طقس مبدل كي أحوال العباد ! يوم جميل كي صاحبة صباحو، غيمة فوق غيمة و رغم كل غيمة تلقى تبسيمتي البنينة! اليوم آني حبيت روحي و هاني نكتب عليها ! نتوسم فيها الخير و نحميها من عينيكم بدعوة الوالدين ! ستنينا آني و روحي برشا باش نرضاو ببعضنا و نفرحو بيها و ندللوها ! ياما دللنا ناس و هربو بينا آما روحي هي فيا و ليا و ما تسرقها مني كان الموت و قدرة ربي !

سمعتوش بشكون يصبح على روحو ! آني صبحت و ربحت هاني فرحانة أخلطو ورايا والا تبعوني و سيبو عليكم من رضاية الغربان !  رتحو عقولكم و قلوبكم و عينيكم ! أعملو آش يقول عقلكم صحيح و تحملو مسؤولية اختياراتكم هاكي اول مسؤولية تنجمو تعرفو بيها رواحكم فين غدوة ! آني عرفت روحي وين هازتني ساقيا و حابّة كل شيء سطرتو مهما طان صعيب و الا ساهل
اصنع اليوم آش تحب ترى روحك في المراية غدوة