جاء نهر حسيت فيه روحي وحدي

عبارة دايرة بيك خيالات معاك لكن في الحقيقة هوما مش باش ياخذو قرارك خاطرو في الاول و في الاخير يرجيك ليك انت بالباهي و الا كان بالخايب ! تحس كائنك في مسرح الاصوات الكل تتكتم و عندك الكلمة ! إنت إلي تبدأ و إنت إلي توفا !  عرق يلب عليك مهما كان قلبك قوي ! تخرج ما تنجم تقتل روحك باش صوتك مايرعشش !

تحب تزيد تقدم و تعبر و تعطي إحساس من القلب للقلوب المتفرجة باش تقوي و تحس ما يحس جمهورك  ! تبكي تضحك و تبكيهم ! تسكت و تخليهم يتفاعلو مع الموجود تصفيقهم و تصفيرهم يهمك ! يحييك و يخوفك في فرد وقت خاطر لازمك تزيد تقربلهم ! لكن من بعد في نهاية العرض تلتزم بما قدمتو من عرض للقرار و تبتسم و تاخذ ماعطيت و تعطيت ماخذيت من احساس و روح للقصة! توفا حكايتك مع هالجمهور و تبدأ في حكاية عزلتك و محاسبتك مع روحك لروحك !

تسقط حينها الاقنعة و تحس بما قدمت و تطور ما فاتك من التطور لترتقي لما تريد بإبتسامة التفاؤل خاصتك !