Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
و لتوا ما شفيت
Ghofrane Ben Issa - غفران بن عيسىلتو لا نسيت و لا عمري عليك تخليك
لتوا مازلت نحبك و نحكي عليك
نحبك ..
نحبك و لتوا منك ما بريت
لتوا من حبك ما شفيت
نحبك قد ما بجمرة الوحش تكويت
نحبك قد ما صحت و بكيت و قلت عييت
نحبك قد مرارة الدنيا من غيرك
و قد اسرار الدنيا متخبية في بيرك
نحبك نحبك قد رحمة ربي
و قد ما في حزني انخبي
و قد ما في دموعي نعبي
نحبك و العالم ربي
نحبك ..
قد اكبر وجيعة منك و قد ما حبي يسري في دمك
و قد ما قدام الناس نحب نضمك
و ما نجمش
نحبك و هاني صابرة و ساكتة ما نتكلمش
كان نحكي ما نبكيك و انا دموعك تقتلني ما تعيشنيش
نحبك كيما ولدي لي ماجبتوش
و كيما فرحتي لي معشتهاش
و كيما كتابي لي ما تطبعش
و كيما يديا لي مالكتيبة ما تملش
نحبك ما تنساش
نحبك قد ما بكيت ف ليل وحدي بلا بيك
و قد ما سهرت نستنى فيك قد حرقت جاشي
و نار الوحش ما تطفاشي
نحبك قد صبري منك و عليك و على دنيا و الناس و الوقت و البعد
قد ه الفراق الي هد الحيل
نحبك ..
نحبك قد حلمتي الي كل يوم تعيش
و قد صوتك كي تقلي يزي ما تبكيش
نحبك قد ما في كل مرة كبشت فيا
و ما خليتهاش بيا
نحبك نت الي ساكن ممو عينيا
نحبك كيف نشوفك و نشتهي نبوسك بين اكا العينين
نحبك كيف ما نشوفكش و تتعدى ريحتك من جنبي و لحمي يقشعر
نحبك ..
نحبك قد ما يسألوني ناس شبيني بعدك تهديت
نحبك قد ما في دنيا ضحكت و بكيت و زهيت و بحبك تبليت و تشويت
و لتوا ما شفيت
نحبك برشااا يا ولد الناس الطيبين الحنينين الباهين
نحبك وحق غلاوة هاك العينين
نحبك و مانحبش نبطل من حبك
نحبك و نحب لونك و نحب نحط يدي على عيونك و نحس نبضهم
نحبك و نحب تجيني و تعنقني و بين هاك الرموش دسني
نحبك بطريقه عمرها لا باش تحبك بيها مرىّ
نحبك كيما عمري لا باش نحب حد
لا باش نعطي فرصة لحد
نحبك قد ما شاهية نبوسك من عيونك اما بوس لعيون يفرق
نحبك و شاهية نقلك هيا ايجا لعندي نعيش بيك شويا
نحبك قد ما في بعدك مشويا
نحبك برشا مش شويا
قد ما نت بنيتني و انا مرىَ صعيبة كي الفخار
نحبك ياسر ياسر أكثر مما يتصور البشر العادي
نحب فيك كل شيئ
حتى الحاجات الي تكرهم في روحك انا نحبهم فيك
نحبك قد ما نتمنى روحي توا بين ايديك
نحبك قد رحمة ربي
ي وجعي الي بيه تبليت
و لتوا منو ما بريت
ف الحقيقة انا الي ما عيني في شفاء
و لا دعيت لروحي باش نتشفى
نحبك ...
غفران بن عيسى
Website Design Brisbane
Tags: