Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
وبرا راك مشيت
Ghofrane Ben Issa - غفران بن عيسىو هاك مشيت و خليتني
و بعد ؟
في بالك باش نتهد باش نبكي و نعيش اللحظة الدموع الهم و النكد
في بالك تنجم تكسرني ، تنجم تتجاوزني و تعيش حياتك و دمرني
شكون الي كذب عليك و قالك انا مرىّ نتهد
شكون الي عدّاها عليك و قالك انا مرىّ على فراق راجل نشد الفرش و نتمد و نعدي بقيت حياتي نكد
الي قالك كذب عليك ..
يا حب يدغفك يا حب يعديها عليك ..
انا مرى من صوان مايهدني كان الي خلقني و سواني
من ضعفي نصنع قوة و نضحك في وجه الي بكاني
و هاني جيت ليوم حبيتك تراني حبيتك ترا فيا المرىّ القوية
الي عمرك لا ريتها
هاني جيت باش نقلك راني نسيت
و من بلاصتنا اليوم تعديت و شي ما حسيت
لا تنهدت و لا رعشت ايدي خبيت
تعديت من غير لا تفكرت و لا بكيت
ريت وليت مقواني فراقك هو الي قواني
نت اللي علمتني نعيش بلاش بيك كيما عشت بلاش بيا
تي ماو الدنيا طلعت مش هاذيكا هيا
مش هيا الي ريتها في عينيك كي قربت ليا
الدنيا ما طلعتش نت و لا سماك طلعت سمايا
و هواك طلع مش هوايا
الدنيا طلعت احلى بعيد على بلاك
الدنيا ريتها اليوم اوسع من سماك
و هاني نجمت ننساك
نجمت نتخطاك و ننسى حضنك و ريحتك و عزاك
نجمت نبعد على ارضك و وطاك
و نهرب من بحذاك
وهاني نسيت وقلبي معادش ليك يركع
عينيا معادش كي تراك تدمع
و لا مازلت نحب صوتك نسمع
و نجمت كيفك نبعد و ما نرجع
حتى حضورك ما عاد ينفع
يزي ما القلب تلكع
و بنار حبك الف مرة توجع
و كذبك سمع
الدنيا عمرها ما كانت نت
و لا باش تكون
اما مانيش باش نخليك
ف باب الجنة باش تلقاني ذنب واقفه نستنى فيك
و لو تبكي الدم ما نرضاش عليك
و حتاا معادش نرضى بيك
ماعادش نحب نشووف روحي في عينيك
تدعيلك امك و مني ما تنجييك
يزيني من كذبك عييت
انا ي سيدي مرىّ قلبي قلب حديد
لا نتهد و لا نتوجع
و لا بمرارة الوحش نتلكع
وبرا راك مشيت و خليتني
مش قتلك كذب عليك الي قالك هديتني ....
غفران بن عيسى
Website Design Brisbane
Tags: