Imen Riahi - إيمان الرياحي

في مرة حليت التلفزة ريت شعب

شعب كبير عظيم

يندد برحول زين العابدين

قلت هاو شعب حر

يعبر مايخافش

ما يخاف من حبوس

مايخاف من كرتوش

صياحهم مازال في ودنيا

شغل حرية كرامة وطنية

قلت تونس sayé ولات ديمقراطية

نعبر على رايي فيها بكل حرية

ميسالش فيها شكون مات

موتهم للوطن هدية

وجات الانتخابات و كثرت الاحزاب

النهضة و المؤتمر من اجل الجمهورية

كثرت النظافة و العلالش تتفرق هدية

على شعب زوالي يستنى في اقل مزية

انتخبوهم الي قالو خل ندخلوا للاسلام

تقول قبل كانت مسيحية ولا شيعية

قالو بالنهضة يتحلنا باب من ابواب الجنة هدية

كنا شعب واحد دين واحد عيلة وحدة

والي مش منا حبيبنا و صاحبنا

مانفتلهوش مانعاركهوش

نقعدوا خوات فالانسانية

دخل بيناتنا الي بشرنا بثقافة جديدة

ثقافة الارهاب و التخلف و الرجعية

تقسمنا بين اسلامي و علماني

اغتالو الحرية قتلو بلعيد و البراهمي

و دخلو فيها شيوخ الوهابية

و الي خرج بعفو رىاسي

لبس قميص و ركب لحية

دبح البوليس و شعل الفتنة

وجدااااااا ضحك و قال خل تخلى

التافه يحكي و يعبر

فيروس يدبح و يقتل

نبكي على حالك يا بلادي ماباليد حيلة

ماتبكيش ياتونس علي خان

علي سرق علي اغتال

علي دنس الاسلام

يجي نهار و تولي حرة ديمقراطية

تطلع اجيال تفديك برواحها هدية