Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عشرة عمر #8

zaineb-s-infidelite-romanZaineb S. - زينب س

روحت دخلت ديراكت لبيتي و هاتك يا بكا مستانسه كيف نتعاركو يكلمني بالوقت ما يخليش لحكاية تبرد و يبدا يرضي فيا حتى كان انا غالطة ،المرة هذي طفاني ليلة كاملة ما كلمنيش ،يا ربي اش عملت مبهمني زعمة لحكاية صحيحة بيناتهم حاجة ،اه ماله علاش متقوي عليا لمرة هذي بالذات ،ااااااه باهي باهي يا هارون تو نقولك ،يا بربي ،و نرجع نبكي ،طلع الصباح ما غمضتش عيني زعمة شبيه ،قمت الصباح ما كليت شي مسقمة ، 12:00 توا يخرج يفطر زعمة يفطر معاها زعمة يكلم فيها هيا ، بش نهبل والله نموت ،انا هكاكا و التلفون صونا ،هو هو

-هارون نورمال انتي هكا تعمل فيا (و اطرشقت بالبكا ،نعرفها نقطة ضعفو ما يحملش يشوف دموعي )

-غالية يزي مالبكا يزي عيش روحي
-هارون امان شنوة بينك و بينها ؟؟

-صليتش عالنبي توا ،يا بنتي توليش برسمي لحكاية

-اااه صار هي ثمة حكاية

-اووووه غالية شنوة تو بش تندمني اللي كلمتك ؟؟

-امان هارون هذي اخرتها ،تندم اللي كلمتني انا !!!

-غالية شنوة تحب انتي توا فدتني ياسر مشاكل و تتخيل وحدك هكا بش تعيشني

(عرفتو بدا يفد و انا ما نحبش ليلة لبارح تتعاود عليا ،قولت لازم نركح الجو )

-هارون

-وي

-هاروني

-اه نعم

-هكا تغشش غاليتك هكا

-ما غششت حد انتي عاملة حكاية في راسك وحدك

- غرت عليك شنوة تحبني نعمل حط روحك في بلاصتي كان يكلمني حد و انت معايا

-يكلمك !!! والله نسفرلك بروحك انتي وياه

-ههههه يا حرام علينا حلال عليكم !!!

- اي هذاكا لموجود

-و انا نموت في حبيبي و فالموجود

- باهي بربي غالية امان امان نقص شوية راني تعبت معاك

-ياااا هارون تعبت !!!

-مهما تعمل نقعد نحبك و مازلت نحبك و بش نقعد نحبك ، اش نعمل لعمري عملة و عملتها في روحي هههه

-هههههه باهي انا غالية شكون

-انتي الغالية متاعي .....


زينب س.
عشرة عمر #8