Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
اليوم عرسي ياما
Ghofrane Ben Issa - غفران بن عيسىاليوم عرسي ياما
زغرطي و حضري الحنة
اليوم عرسي يا حنانة
باش نعرس و نمشي و نخليك يا لميمة
اليوم عرسي بحبيبي
بنصيبي
بلي تمنااه ڨليبي
باش نزين و نحمر
و نلبس الروبة الي من صغري فيها نڨمر
باش نمشي لدويرتي و يفرح بيا رويجلي
و نزينلو الداار
ياما راني باش نعبيها نواار
و تفووح منها ريحت قهوتنا
و توصل حتاا لباب الجاار
ياما هاني باش نعرس بيه
و يا شماتت قلبي فلي كاان يحب يبعدني عليه
ياما حنانة شبيكي ما تحكيش
ما تزغرطيش
شبيكي يدياتك ما حنيتيش
و ما زينتيش
ياما ويني اختي ناديهاالي
قلها اليوم هاك باش ترتااح من دلالي
و نادولي خويا قلو يزين الداار
ي عزيزي اختك اليوم عندها احلى نهاار
ياما نادي عماتي و خالاتي
قلهم يزغرطو و يحنولي يداياتي
ياما ماهو استدعيتي صاحباتي
راهم هما زادا خوااتي
قلهم يزينو و يڨدو حبيب ڨلبي راجل و وفاا بوعدو
اا ياما حنى شبيكي تبكي
توا ساعة ساعة نطل عليك
هايا امسحي دمووع عينيك
مش باهي البكاا حنانة ادعيلي بالهناا
و هايا هزوني للحجامة و لبسوني روبتي المزيانة
نحب حبيبي يرااني حاضرة و مرتوبة
تي اي اي مزروبة هه
ياخي شبيكم تبكو فهموني
باش تبكوني و تفسدولي المكيااج الي ف عيوني
هذا الكل حب فيا ولا خوف عليا
باش يحطني في عينيه تهنو عليا
هه فااش تحكوو ؟ شكوون الي مات ؟
حبيبي وعدني ليلة نفرح بيه يفرح بيا
لا ما تبكوش هاو باش يجي و يطل عليا
لابس الكوستيم و يستنى فيا
كيفااش ...؟
يعني فرحتي مشاات ياما شبيها عيني بالدمووع تملاات
و شنوا صوت هـ العيااط
شكوون الي هازينو في صندوق
يامااا رجعولي حبيبي الي عليه نمووووت
ليلة نبااتو في دارنا مش ف جبانة
حبيبي مااات يا ياماااا الحنانة....
غفران بن عيسى
Website Design Brisbane
Tags: