Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
العجوزة الشمطاء
Cyrine Cheikhrouhou - سيرين شيخ روحهقداش كبرت وصغرت بيا الدنيا
قداش قلبي زاد كبر والحب فيه صغر
قداش وليت خوافة ريحة الدواء بركة توجعلي كرشي
قداش وليت خوافة كان ريت خيال ورايا نولي نمشي ونتلفت
قداش فديت من الناس ومن كلامهم، وليت نحب الدار وسكاتهم
قداش وليت برية لا عندي وسع بال ولا مزية
قداش وليت ما خيبني قد الخيوبية الي قاعدة تزيد كل شوية
قداش وليت بليدة لا نعدي كلمة ولا تنهيدة
قداش الدنيا بدلتني والوقت ضاق بية، لا عات نخمم في عقلي ولا نتحكم في بدني
قداش وليت أنانية نعمل العملة ونقول الشيطان يلعنو وخزيه
قداش وليت متكبرة ماشي في بالي جبت الصيد من وذنو
قداش خانتني من مرة ساقيا ماهو قالولي تو تكبر وتوفى بيك الثنية
قلتلهم يا حسرة أنا إلي خلقني جابني بش يفرحني
ونسيت إلي الفرحة تنجم تكون شربة ماء في صحراء
ولا ضرير في غزرة
نسيت الله غالب الكبر نساني وخلاهم ينسوني أما الخايب متاعي باقي في بالهم
قداش ندمت، نشوف في الحفرة قربت وروحي بعدت
قداش قربت لربي خايفة منو، الحق خايفة ملي عملتو مع عبادو
نستاهل ماني كنت عاملة فيها جبارة نسيت الي الدنيا هذي فانية..
سيرين شيخ روحه
Website Design Brisbane
Tags: