كان حسيت النسمة ترد الروح...و روايح البهجة و الفرحة في سمانا تفوح...

أعرف اللي شهر الخير في الثنية...أركع و إستغفر الخالق و صلي على خير البرية...

رمضان جانا...بجيتو فرحنا و زهانا...

شهر في العام الاقدار فيه تتبدل... يحيي في الروح اللي منها كل يوم يموت و يذبل...

رمضان جانا...يا فرحتنا و هنانا...

بجيتو تطيب الجروح...و يحكي في ظلام الليل على سجادة العبد عاللي كاتمه و بيه ما يبوح... فيه يصيم البدن عالشهاوي و عالمعاصي تصوم الروح...

رمضان اللمة...ترى الفرحة في كل مكان و تتنحى الغمة...

رمضان الخير...فرحة الكبير و الصغير...

رمضان المحبة...رمضان العينة... حوسة ميمة في الكوجينة...و دخلة بو على صغارو بالغلة و الشهاوي البنينة...

رمضان العبادة...سبحة قرآن و سجادة...

رمضان دعاوي فجاري و في الاسحار...رمضان فرصة باش تبدا من جديد و تنسى اللي قبلو صار...