باش نحكيلك حكاية دنيا...

دنيا فيها مالبشر أنواع مكثرهم ناسين اللي هي فارغة فانية...منهم بو مهمل صغارو...و منهم والدين بقيمة الضنا مش دارين عليهم غايبين

و كل فول لاهي في نوارو... منهم ميمة تشقى و تتعب...تعاني و تتعذب...

باش الولد يولي راجل... و البنية عالاصول تتربى مش حجرة يهزها في عصفة الارياح ماجل...

فيها العايش متهني...زاهي ألحان دنيا مزيانة يدندن و يغني...

و فيها الشاقي المتعذب...البعيد على أحبابو وعلى بلادو متغرب...

فيها الفرحان سعيد و فيها الحزين وحيد...

فيها اللي عايش في الحب للشوشة ثنيتو نوار و فما اللي بالشوك ثنيتو مفروشة....

هالدنيا صنفين...حالين ما يتلاقو في نقطة الاثنين ...

صنف الزهر عليه مرشوش و صنف الزهر بالظهر عاطيه ما شافوش....