إنت ما تموتش وقت اللي روحك تطلع منك...

إنت تموت كل يوم و انت تحسب قداش من عبد خلاك و غدرك و ما رالك بالخير بعد ما خذاه منك..

إنت تموت و إنت تحسب في شيبات طلعوا في شعرك جدد...

و إنت تستنى في اللي عمرو ما حبك ولا عمرو باش يحب...

إنت تموت كل يوم بالتخمام...و بفكر ضايع و عين لا تعرف راحة و لا تنام...

إنت تموت كل يوم و إنت تستنى شكون يصنع على خاطرك الفرحة و يجيبهالك...في وقت اللي تنجم تخلقها بيدياتك...

إنت اللي اخترت الموت...اخترت يكونوا الصنارة و إنت الحوت...اخترت يكونوا القوة و إنت الضعف...اخترت تذبل عينيك و تلعبها مظلوم تسخف...

إنت اللي مش عاجبتك عيشتك و تتأفف...حياتك محلاها...غيرك يحلم بيها يتمناها...

بدل تخمامك...أغزر قدامك...عيش الدنيا بحب تو وحدها تزهالك...