ف الفترة هاذي بش تحب مخدتك برشا و بش تولي كذاب برشا نهار كل تضحك اما عينيك  ماهيش بش تكذب

ف الفترة هاذي بش تحس الدقيقة ارزن مالعمر كل بش تجيك كمية طاقة غريبة و فجأة تختفي وقتها تحس روحك كالكاس لي طاح و تفتفت

بش تقول برشا كلام معملت منو شي و لا بش توعد انك تعمل و متعمل شي

تولي كالكوموند لي وفات البيلة متاعها و عضعضتهم بش تخدم مرة تخدم و مرة تكيكس هكا بضبط

خليت عليا بلاصة
توحشتك

توحشت كلامك و سلامك
تفدليكك و خنارك

السكات و الليل طوالوا .. الهدوء و السكينة تحاملوا و انا و انت ما تقابلوا.. مازال كل واحد منا شادّوا حيط انا و انت كي الابرة و الخيط ما يتفارقوش ، كي الماء و الحوتة بلا بعضهم ما يتنفسوش البحر بلاش جات ماينجمش يكون بحر خاطر البحر سروا في الليل دافنوا تحتو و الحوتة كي تخرج من الماء تموت تولي بقايا تتنحى منها الروح ..
انا و انت مستحيل يجي نهار و ما نتكلموش..
مستحيل نتعاكسوا في حاجة و ما نتفاهموش..
حتى كان خلاني انا مانخليهوش .. انا مانستغناش و مانبيعوش ..

نحبك حتى وانت هزتك الموت .. نحبك حتى كي فات عليا الفوت .. نحبك و الحب بخوت اما انا معنديش ريحة البخوت .. البدن تردم اما الحب حي ماتردمش .. ماهزتوش الربح و مشى بختة في فلتة .. مامشاش في نفحة حبنا لاخر يوم كيما البارح و كل يوم .. و كيما غدوة و كيما الي بعدو سنين و قد ماتكثر عليا العين و تتعدى عليا ايام و سنين و يجيني انسان طبعو محلاه و بنين نحكيلو عليك و العين تبكي و القلب ينين.

نحبك ! بش نحكي عليك لصغاري كل ليلة قبل النوم ، اخزرو للسماء تلقا حبنا بين النجوم مرسوم في الهواء مدغور حتى كان  يهب و تتلم عليه العاصفة و المطر و الريح و يغبرو النجوم

هِياّ حَـاجَة بِيني وبِين روحي، نَحْكِيهـا ؟

كِي تِشْعِل نـارهَا فِيَّا، نِشْكـــيـهــا  ؟نَنْـسَاهـا ، عــلَى جْنَب نتَكِّيـهـا فِي دياجِير الظَّلمة نِحبِسهـا نِدْكِيـها ؟ولاَّ نْخَلاّهـا تنَحِّي من العِينين وتَعصر الدّمُوع ؟وكِي تْكَــمّل الـفيــاضـانـات تِمشِي بلا رجُــوع؟وَتــنْسـى تَـــنْهِيـدة الـــقَلـــب المـوجُـوع؟نفَسَّرهـا بالكلام والحرُوف ؟ونخلاّهـا تقطّعنِي طْرُوف طروفْ؟وتحبِسنِي فِي أنّة أطْـول من مقطع مـالُوف؟كيفـاش نْفَسَّرهـا ؟كيفاش نوصّلهـا و نخسـرْهـا ؟نَقْـســـمْـهَـا ، نَـكْـــســـرهـــا ؟كِيفـاش نحــكِيــهـا بلُغَة مَفهُومَة ؟نقَلَّعـهـا مِن حيُوط الـــڨـرْجُـومة؟بكِلمَة، ولاَّ صُوت، ولاّ قِصّة مَرْسُومة ؟كيـفـاش نْحسـهـا آني ويفهمُـوها هُــوما؟ويشُـوفـوا جُرح الرّوح المــهـــمُومــة ؟ كيفـاش نخرّجـهـا ؟ندَبلجـهـا ؟كيفـاش نجـرَّدهـا ؟نطَرَّدهـا ؟
من غـير مـا نمَسّطهـاونبرّدهـا ؟من غـير مـا تمرْمَدنِي ونمرمَدهـا ؟