"doctoura"- الدكتورة
ها ها يا سيد وين داخل هكاكة لا بالك لا وسع شتحسابو قلبي؟ مو قبل ما تتبنبر فوق عرشو شاور مو لاباس داخل عليا بالحنية و المسايسة!! اسسمع الطلامس متاعك ما تمشيش مع طفلة راسها صحيح كيفي! تهننى لا غزرتك تجم تسحرني و لا كلامك العسلل بش يرهوجني
..
قد ما حوزت عروش قلبي ..و قد ما سلسلت بيبانو ...قد ما عليت اسوارو، و حطيت حراس داير ساير على حيطانو... قد ما خفت عليه منك و قد ما بعدتوا عليك.. ، في اللخر حبيت.. طحت مالسماء جيت بين يديك!! هربت مالوجيعة والليعة ..مالقلب لي يتنهد ..مالعين لي تبكي ..مالناس لي تغدر... هربت ملي يقول و ما يصدقش، ملي يوعد و ما يوفيش، هربت مالحاجات هاذي و حاجات اخرى
