Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
وينك يا بابا عزيزي
Souhaila Faleh - سهيلة الفالحوينك يا بابا عزيزي
وينك يا خويا و بويا
ستاحشتك راني
نحب نراك ، نحب نسألك على ناس بكري
نحبك تقلي نحسبلك ونغلط وتصلحلي
أية بركة روح يزي من الغش
روح هاني لميت أك تفش
وحضرتلك الفرش
ونظفت أك القش
روح راو قلبي تقطع لقش
توحشت أك ضحكة لعزيزة
والخزرة لبننة
اجا نتسابقو شوية
أرجع بركة
ملي مشيت دارنا غابت منها البركة
نراك شوية وبرى
شوية أكهو منكسرلكش راسك بضحك
نخبي شوية لغدوة ههه كما تقلي
عرفتها يا جدي أناهي غدوة إلي تحكي عليها
أما خسارة ما خليتش ما نضحك كما قتلي
قعدت كان الدموع يا جدي
أيا يا حاج موسى أيا
دارك وصغارك وصغار صغارك يستنو فيك
أو قال ليوم عندك 40 يوم ملي مشيت
أما أنا مامشيتش
خاطر عرفتك بش ترجع ولا خلي تو نجيك أنا
أيا نخليك يا رويحة أرقد على روحك
تو نكمل نحكيلك غدوة
على خير ...
سهيلة الفالح
Website Design Brisbane
Tags: