توحشتك وتوحشت أيامتنا... توحشت البسمة اللي ملات حياتنا...

توحشت كلامك الحنين ... توحشت هبالك البنين ...

توحشت تصويرتك اللي ماتفارقنيش... توحشت ضحتك اللي فيك ماتنسينسش...

توحشت كي نمشيو مع بعضنا في الشارع .... تقولش علي في الجنة وداير بيا النوار.... وأنا روحي وقلبي معاك محتار...

حبي ليك ما يتقاسش ... كيما طفل صغير ضيع أمو ولقاها... كيما أرض قاحلة والماء حياها ...كيما بنية خايفة ولقات صدر حنين يدفيها... كيما روح مجروحة ولقات اللي يداويها ...

توحشت بحة صوتك عقاب الليل... والدمعة على خدي تسيل... نتعذب ونذوق الويل

توحشت ريحة شعرك البنينة.... وروحي تتعذب مسكينة.... حد ما يحس بيا رهينة في تركينة...

كل ما نحاول نشد روحي وناقف على ساقيا... نعمل كل شيء بش نقربك ليا... تبعد وتطول عليا الثنيا ... نضعف ونطيح لين معادش فيا...قداه تمنيتك تكون مني وليا...

إنت القمرة اللي تضويلي ليلي .... إنت اللي معاك حار دليلي...

إنت اللي كي تمشي تغيب معاك نجومي.... يبقى كان الظلام ومعاه غيومي... كي تخليني لشكون نشكي همومي...

وتعرفش علاش يا نكمل بيك يابلاش.... روحي فيك وعقلي ليك ... وأنا من غيرك ما نحياش ...

بعدك تغيب علي ضحكتي ومانلقاهاش... جروح قلبي تنزف ما تبراش.... وتعرفش علاش.... الدنيا  بعدك ما تتعاش ... ليلة ظلمة النجوم ما فيهاش.... بدني فارغ والروح ما فماش...

نمشي في الشارع حافية .... دموعي تقطر صافية... بلا بيك ضحكتي طافية.... 

إنت الدنيا بالنسبة ليا... وينك يا لعزيز ليا... ما تمنيتش تخاليها بيا.... توصلني لنص الثنيا... وبتبسيمة تبعد عليا... عمرك ما حسيت بيا ولا خفت عليا ...أما بالرغم هذا لكل كان نلقى نعطيك عينيا....

خاطر الضحكة بلا بيك كذبة وما تسواش... وتوا عرفت علاش؟ الدنيا بلا بيك ما تتعاش....