من تبسيمتك ماتحرمنيش ... من تذبيلة عينك ماتنسينيش... من لمسة ايدك وعطرك ماتعاقبنيش ... من صدرك الحنين ماتبعدنيش

عويناتك الشهل عسل يقطر ...ريحتك مسك وعنبر... ضحتك ذهب معير... كي نراك فرحتي تدوم وتزهالي ليام... يا أحلى مالنجوم وحورية

الأحلام ... وردة مفتحة في عروش قلبي... نسقيك بعروقي ودمي ... نبوسك ليل ونهار ... نجيك نجري ملهوفة كيما الصغار ... كي تتغشش دمعتي تسيل ... نذبل وهموم الدنيا نشيل ... نتعذب ونذوق الويل .... أما نبقى ندعي للي مينام الليل ... نحبك يا ورد وياسمين ...تفوحلي حياتي وتعدي معايا كل لحظاتي تنسيني وجيعتي وآهاتي ... كي نرا لمعة عينيك وحمورية خديك و رعشة ايديك نجنح ونطير ونبقى في عينك ولدك الصغير... احميني عندك

توحشتك وتوحشت أيامتنا... توحشت البسمة اللي ملات حياتنا...

توحشت كلامك الحنين ... توحشت هبالك البنين ...

توحشت تصويرتك اللي ماتفارقنيش... توحشت ضحتك اللي فيك ماتنسينسش...

توحشت كي نمشيو مع بعضنا في الشارع .... تقولش علي في الجنة وداير بيا النوار.... وأنا روحي وقلبي معاك محتار...