مشيت نسأل عليك من بعيد

قيتك تولدت من جديد

و حبيت غيري ...

الڨمرة الي حبيتها ما عدش تضولي ليلي

وقتها حرت و حار دليلي

و مبعد قلت

الي خذالك خبالك

لا انت حلالي و لا انا حلالك

و انا وقيت نخرح من بين سهولك و جبالك

وقيت نقطعهم حبالك

و نشوف غيرك

و ساعة ساعة نسأل عليك

زعمى مازال فما تبسيمة و دمعة مخبية في وسط عينيك

حتى لو كان ، ما نجمش نهرب و نجيك

ماك تعرف لا انت ليا و لا انا ليك و هاكا هو المكتوب موش كل حاجة نحبوها تجينا و السطر الي على الجبين ما حبش يتحفر و يهنينا .. و يا ليتني ما سألت عليك

آخر سطر ...