ايًا تجي ؟ تجي في حضني و قلبي تلعبلي بيه ؟ ايه عاتشبيه ماك لعبت بيّا انا و لعبت بيه هو لين ما خليتش فيه ذرت قوّة خليتوا تعبان خليتوا ناقص حنان خليتوا لا يارا و لا يسمع تبلاء بيك مسكين خليتوا حزين خليتوا يتمنا نظرت عين خليتوا كيف القطوس الصغير ينين خليتوا مشتاق و ما يداينش الفراق

خليتوا يلاجي و الوجيعة تتقوة عليه في الجواجي  خليتوا هايم خليتوا على البنات الخرين صايم مسكين مشا معاك بالنية حتى لين تكعبرتلو في الثنية يا ناري عليك و يا خسارت ثيقتو فيك كل مرة تطلاعلوا بحكاية مسكين من حبوا ليك سماك الشمعة الضواية يشوفك كل ما يغزر في المراية مرة يشوفك بنينة و مرة يشوفك حنينة و ساعات يشوفك حزينة

اما انتي في الحقيقه رهينة في تركينة هو مسكين و انتي مسكينة مسكينة ضايعة في الثنية ماكش متهنية ابكي و سيل دمعاتك ابكي و وعيش مع ذكرياتك الي ما فيهم باهي كان انا انا الي جريت و جاريت انا الي عفصت على قلبي و تعديت انا الي تعبت و عييت و همك في قلبي خليت انا الي كلامي قياس انا الي كلامي يوجع الراس انا الي كلامي ضربتو كيف الفاس