علاش رجعت مبعد غياب طويل علاش رجعت و زدت ظلمت عليا الليل

علاش رجعت بربشتلي الاوراق الي لميتها

علاش رجعتلي الحلمة الي نسيتها

علاش رجعت مبعد ما شمعة نفخت عليها و طفيتها 

علاش رجعت و انا نسيتك و من قلبي نحيتك و من جملت ذكرياتي خليتك

علاش تحببني بالسيف نزيدك وجيعة على وجيعتك ياخي بالسيف تحبني نبكيك  بالسيف تحبني نخليك ضعيفة مببعد ما كنت نقويك ماشية في ثنية ماهياش ثنيتك موش كيفما سيبتك موش كيفما لقيتك تبدلت و ليت تتلون الوان الوان قيتك ضايعة بين الي صار و الي كان قلبك مليان عينيك كلها احزان...

علاش ما تحبش تسمعني كيف قتلك الي حبيتك و حبيت نولي تصويرة في بيتك نحبك اما انا خليتك خليتك ماكش متهنية خليتك ملايكة اما ملايكة دونية علاش متحبش تفهم  الي حبك سم اما في نفس الوقت دواء

علاش ما تحبش تفهم الي قلبي بيك تبلاء

علاش متحبش تفهم الي انا الحوتة و انتي الماء علاش متحبش تفهم الي انتي البحر و الشمس و الهواء

علاش متحبش تفهم الي انتي حشيشتي و دخاني

علاش ما تحبش تفهم الي انتي كلامي و الحاني علاش ما تحبش تفهم الي انتي فيضتلي بركاني مشيت و قعدوا الحكايات الي مصيررهم يوليو ذكريات و انا علاش ما حبيتش نفهم الي فات مات و شئ ما يدوم مصيرها توفا الهموم و تزهالي الايام و نعود نبني الاحلام ...

علاش جيت ماني قتلك ابعد علية و اخطاني علاش رجعت و وليت تعمل بالعاني علاش رجعت و فيضتلي حباري علاش رجعت و بربشتلي افكاري

علاش رجعت و سودتلي نهاري علاش رجعت و شعلتلي ناري ابعد علية و فك على ربك يلعن بوك و بو الي ما يسبك يلعن بوك و بويا انا خاترني نحبك خاترني تعلقت بقلبك خاتر انتي الجندي و انا حربك خاترني ما نجمتش نسلم في دربك علاش جيت قدامي و كيف الملايكة تجليت علاش عملت روحك بكيت و انتي تضحك دخلاني علاش عملت علية بالعاني

علاش استغليت حبي و حناني طارت بية الايام كثر علية الكلام زادت الاوهام زاد التخمام دارو بية الاحلام و تخيلت روحي في سماك تخليت انت الڨمرة و انا النجوم انا المطرة و انتي الغيوم