ماعادش نجم نقعد ساكتا و نتفرج ...

مانيش شنحكي من منظور طبي بما إنو ماهوش domeni و مانيش مؤهلة باش نفتي فيه .. و إنما شنحكي من منظور علمي بحت (mathematique)قايم عالأرقام و النسب و شويا analyse والناس إلي تعرفني تعرف إلي هو domeni و مانيش نحكي من فراغ ! هذاكا علاش شنحاول نحكي بلوغا ساهلا باش الناس الكل تفهمني و نوصللهم بالفلاقي هول المصيبة ..

ببساطة ، الشعب التونسي كي يسمع إلي عنا 24 حالة مصابة في تونس (إلى حد اللحظة هاذي ) يقلك إيه!؟ و شنوا تجي 24 حالا بحذا 12 مليون.. حتى شي! و ما يحسش بخطورة الوضع !
شد عندك ملا :

الcourbe الي لوطا توضح l'évolution أو بالأحرى خلي نقولو إرتفاع عدد المصابين في تونس بفيروس corona بين 2 مارس 2020 و 16 مارس 2020 ...و حتى واحد عمرو ما قري statistique و ماهوش متخصص فيه ينجم يلاحظ بسهولة إلي الخط الأحمر طلع في فترة وجيزة و مع شويا أخبار من هنا و من غادي ينجم يتكهن إلي كل نهار لخط هذاكا شيزيد يطلع و يمكن ياسر ما يهبطش( لا قدر الله) ...

باه mathématiquement توا، الtaux d'évolution يساوي %23 وإلي هي تتسمى نسبة لا يستهان بها في ظرف جمعتين من زمان ! يعني هوا بطبيعتوا virus سريع الإنتشار و ماهوش مستحق لمجهوداتنا الجبارة شنكملوا أحنا نعاونوه على الإنتشار بيناتنا... مغناك عاد كان لقي برشا بهاما و قلة وعي من طرف الشعب الكريم تحل كارثا (لا قدر الله) ... بشويا حسابات مبنيا عالأرقام الحالية الموجودة وشويا analyse للأحداث إلي صايرا فالعالم و لقلة الوعي إلي لحد لللحظة هاذي مازلنا نراو فاها في شوارعنا نجموا نعرفوا عدد المرضى إلي تنجم توصلوا البلاد في ظرف جمعتين أخرين و dja تعطات برشا أرقام إلي أثارت نوع مالرعب ...

Bref c'est pas mon but en fait !

لكلنا نعرفو إلي أحنا دولة ماديا علا قدها ! و نجموا نتصوروا وين نجموا نوصلوا كان زاد إنتشار الفيروس في بلادنا !

تعويلنا لكل على الوعي et surtt وعي الشباب بإعتبارو متثقف و ينجم يفهم خطورة الوضع الراهن ...

هالشباب إلي بين في أشهر قليلة مضت إلي هو قادر بش يغير مصيرو بإيدو رغم الداء و الأعداء ..

مانتصورش كان أي حد باش ينجم يسامح روحو كان خسر نهار إنسان عزيز عليه( لا قدر الله) علا خاطر خرجة ماليها معنى و بسبب إستهتاروا و قلة وعيوا

الحكايا مهاش تفدليكة و ما تضحكش بالكل بالعكس تبكي خاطرنا ماشين في ثنية خايبا !

و فعلا كيما قال ماكرون لبارح "On est en guerre " !

ربي يقدر الخير !

#شد_داركم