مشكلتنا في تونس الي احنا شعب مقسوم على زوز فئات : ناس واعيا و ناس ابعد ما يكون عالوعي و مهمتها الوحيدة في الحياة تميع القضية مهما تكون هول المصيبة .. !!! و في هالنهارين ظهر بالكاشف الي هالفئة الثانيا منتشرا بيناتنا اكثر مال CORONA في حد ذاتها ! و الي قلة وعيهم و تملصهم مالمسؤولية اخطر مالفيروس ! ابسط حاجا ،حتى كي تبدا حامي روحك و واخذ حذرك ، فجاة و بدون سابق انذار ! ترى احد هالكائنات هابط عليك و يلطخ فيك بزوز بوسات (اقل حاجا) قال شنوا باش يسلم عليك و قاعد اعبرلك على شوقوا للقاءك ! و كي تجي تحكي معاه يا اما يتغشش و لا يقلك الجملا الشهيرا " تحكي بجدك خايفا ؟"....ايه يا سيدي لكلنا لازم نخافوا حتى كان مش على رواحنا ( بما انو مناعتنا كشباب تنجم نوعا ما تقاوم ) اما لازمنا نخافو علي معانا :اماتنا اباتنا جداتنا حتى جارك اك الراجل لكبير الي عايش وحدو و ساعا ساعا تمشي اطل عليه و تشوف ناقصتوش حاجا من واجبك باش تخاف عليه....

واجبنا بش نعملوا اقصى مجهوداتنا بش ما نمرضوش juste باش ما نعديوو حتى واحد من هالناس لعزاز علينا و ما نتحرموش من بركتهم في دنيتنا...

وكيما قبل خرجنا للشارع متطوعين و نظفنا شوارعنا و بينا للعالم لكل الي احنا شباب واعي! هاذي مهمتنا اليوم زادا كشباب واعي بش نشدوا ديارنا باش نحافظوا علا بعضنا و علا بركة بلادنا و زينتها ...

و نشا الله ما يصير كان الخير !

#حالة_وعي

#شد_داركم

#يزي_مالاستهتار