مش كل حكايه تتنسى وتتعدا...ممكن تتخبى في اعماق الروح..تتبهنس..تكذب ..تتوهم بالنسيان..غارق في بحر الافكار ..تحس روحك جثة هايمه...ومخ ضايع بين سراب طير متخبي بغيمه في سماء العاليه...ويمكن تضحك علي روحك...العين مغمضه ..متحبش تقوم من بلاصتك..يمكن تخاف من الخطوه الجايه والا تخاف من الدنيا شنوا تخبي...شعر مشبشب..وجه شاحب...تابع في دخان محروق بحرقه ...تخاف حتى من حروفك تسلب لفي مخك...

ايه اش بيه..وعلاش لا تتحدى خوفك  تاخو ورقه وقلم وتخليهم موطن احساسك..مهبوله في لحظه تشد شعرك بقلم ..وفي لحظه تشد في يدك ورقه وقلم ..يصبح مخك الهايم وكلامك الضايع يروي حكايه...ايه محلاك وانت هكا متمرده ...مزاجك يتبدل في لكل دقيقه...كي فصل شتاء ثايره يعبر على حالك ...في طقسو وموازينو...من سماء صافيه وشمس تحرق..لغيمه سوده ومطر في غفله...انت هكا في كل حاجه ...تضحك على ظنو  بشتاء حب واحضان...وتعشقي شتاء خاطر جزء منك في مغامراتك في كل يوم حال..مره شمس ومره غيم ...في لحظه ...تاقف مذعوره  ...ترمي كل شي من يديك..تحرق دخانها..وكأن فما شي يدفعك نحو الهاويه ...وتعود جثه هايمه وفكر ضايع...