يلعن بو الدنيا بلا بيك و بو كل واحد ما ذابش في نظرت عينيك يلعن بو الدنيا الي بعدتني عليك و خلاتني ما نجمش نسلم فيك

خلاتني نتمنى شدان يديك و بوسة من هاكا الجبين الي تكتبت عليه حكايت عشقتنا الموش مفهومة عشقتنا الي خلاتنا مرة فرحانين و مرة خلات القلب حزين

عشقتنا الي جرينا وراها وشديناها في ليالي الصيفية وقتلي كنت انت وحدك و ماكش متهنية وقتلي الي انا نحبك و انتي عاملة روحك ماكش هونية تعبت لين جبتك لثنية

و خليتك تقولهالي هاكي الكلمة الصعيبة و من وقتها ما قلتهاش ما نطقتهاش خفت منها و قلت منحبش نجربها و ما نجربهاش اما مبعداش خرجت من قلبك و جواجيك خرجت وقتلي الوجيعة عملت الليعة

خرجت و انتي في لحظة جنون خرجت و خلاتني انا مفتون خرجت و هزت قلبي معاك و خلات بدني هون

قول نحبك و ما تخبيش ما تخافش خاتر انا بيك نعيش نعيش بين عينيك و زنودك بين سخانتك و برودك بين الشفة و الشفة بين الرباية و القدر و العفة بين الشطارة و الخفة نعيش في كل بقعة انتي موجوة فيها قول نحبك و ما تخبيها