Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
في شباك هواك
Ahmed Trigui - أحمد الطريقييا سحابة في الصيف تمطر
يا غناية على البال تخطر
يا موسة حافية في البدن تحندر
يا طقس جميل تكدر
يا طيف ساري يلوج في خباري
يا بير معبي باسراري
يا كلام معبي بخناري
يا ريشة سال منها حباري
يا لهليبة زادت الطين بلة على ناري
يا سبايب الي جرالي
يا عدو فيا يتحدى
يا وقت ما باش يتعدى
يا ذراع كان ليا مخدى
يا سبب العيوب
يا شيطان عمرو ما يتوب
يالي كلك ذنوب
يا سعد مكبوب
يا يوم بشهر و شهر بعام و عام بمدة و مدة بدهر
يا سبب القهر
يا تركيبة موش موجودة لا في بحر و لا في نهر
يا نار تحرق الجنة
يا منامة حلمتها و قعدت فيها تتمنا
يا تخلويض يا بدن مريض
يا داء ما حبش يريض
يا عمايل يا فعايل
يا ساس مايل
يا طفلة علية تحايل
اهوكا الوسواس بيك داير
و مبعد خلاك
متعلقى في شباك هواك
قعد يتفرج عليك من بعيد و يضحك بالصوت
و انتي عايشه على خاترك ما يلزمكش تموت
كتلة معبية بالاوهام
غارقة في وسط الضلام
أحمد الطريقي
Website Design Brisbane
Tags: