تحلم و تحب تجنح و تطير تستني فل الفارس الي باش يجيها علي حصان أبيض و يهزها كيف ما قرت في الروايات الرومنسية ما زالت صغيرة ما تفهم من الدنيا شي

جاها و حللها فالجنة الذراع يخاف عليها حتي من النسمة حسسها بحنانة بوها و خوف خوهاا عليها حباتو اكثر من كل حاجة فل دنيا يطلب عينيها تعطيه هو كان قاري حساب كل حاجة و هي ما قرات حساب شي أول تجربة ليها كانت فرحانا بيها و طايرا فل سماء و ما تشوف في حد

يخزر في عينيها و يري فرحتها و يقول ملا بهيمة

لين جاء النهار و هزها للدار مشات معاه و طاوعت قلبها و هو هاذي عندو ساعة الحسم الللحضة الي باش يتوج فيها التعب الي تعبو باش خلاها تحبو كانت عينو علي بدنها

هي ما تعرف شي جيست انها تعيش قصة حب مع الانسان الي ختارو قلبها في لحضة شرفها بح طيحت راس بوها و خوها في القاع بعدها بأيمات انقطعت اخبارو و هي فاقت من حلمتها بصدمة كبيرة صعيبة عليها خلاها تطير و تحلق و في لخر قصلها جوانحها و خلاها معاش تنجم تتحرك قتلها بلحياا و هو عايش فرحان و يحكي لصوحابو فل قعدات عل انجاز الي عملو

هي كل ليلة تباات تبكي لين ترقد

و هو يباات يترشف فل بيرة و يلحم في طفلة جديدة

الي يحبك يخاف فيك ربي .

يجي من الباب مش من وراا داركم

وقت الي يحبك يراك يجيك لداركم و يطلب من بوك انو يخرج معاك مش يهزك من تركينة لتركينة .

الي يحبك يخاف عليك من كلام الناس و ما بضركش .

الي يحبك ما يقلكش كلام عيب مش كي يتغشش منك يسبك و يرخصك ...

الزوز غالطين انت تبعت قليك و خنت ثيقة داركم و ماكنتش فل مستوي...

و هو مش راجل لعب بيك وخلاك

الطيبون للطيبات

الي يعمل شر يلقي شر ربي ما يضيع حق حد

الله غفور رحيم ⁦⁩ ما تصلحش غلطة بغلطة أخري

الناس الكل تغلط أما تحاول ما تتمداش في لغلط متاعك

العيشة صعبت و تعابات ذيوبة تقول عايشين في غابة معاش فم خير سوي بنات ولا ولاد بخلاف ولاد و بنات الأصل أما اهوكا الواحد يحاول يتجنب انو يغلط و ربي يسترنا ⁦⁩