تخسر ناس و تڨول ملا راحة و انت بينك وبين روحك مش فارح.

تحاول تتغاضي عل حاجات المزيانة الي عشتهم معاهم باش تنجم تخبي وجيعتك

صحيح ما كانوش في المستوي أما فم حاجات ما تتمحاش لحظة مزيانة عشتوها ، غناية سمعتوها، ضحكة ضحكتوها، برشا تفاصيل.... تفاصيل مزاينة تولي تراس كيف لوشم في لبدن بالي تنحي يبقي أما مع طوال تنساه و تبقي عايش بيه عادي.

خاطر كيف تبقي بينك وبين روحك تفهم انو كل شخص عندو فترة صلوحية معينة باش يجي وقت و يمشي ولازمك تبدي حاظر للحظة اذيكا.

جميلة انت كملاك نازل من السماء

جميل صوتك كصوت فيروزي في غسق الدجى

جميلة هي رائحة شعرك كأكسجين الحياة

جميلة ضحكتك الخاطفة التي ترد الروح و تبعث الأمل للحياة

أنا لا أشتاق أنا فقط أنتظر متى اراك

كي أشم رائحة عطرك التي أذمنتها و التي لم تغادر أنفي

أنا لا أشتاق لكني أريد و بشدة أن اري عينك لأتوه في جمالها

أنا لا أشتاق أنا فقط مازلت إلي صائم علي طعم شفتيك التي لم ألمس غيرها

تحلم و تحب تجنح و تطير تستني فل الفارس الي باش يجيها علي حصان أبيض و يهزها كيف ما قرت في الروايات الرومنسية ما زالت صغيرة ما تفهم من الدنيا شي

جاها و حللها فالجنة الذراع يخاف عليها حتي من النسمة حسسها بحنانة بوها و خوف خوهاا عليها حباتو اكثر من كل حاجة فل دنيا يطلب عينيها تعطيه هو كان قاري حساب كل حاجة و هي ما قرات حساب شي أول تجربة ليها كانت فرحانا بيها و طايرا فل سماء و ما تشوف في حد

يخزر في عينيها و يري فرحتها و يقول ملا بهيمة

تخاف تبقي وحدك تهرب من المواجهة بينك وبين روحك تخاف من اغلاطك الي عملتهم و متأكد منهم ما تحبش شريط حياتك يتعدي قدامك خاطر في لحساب تبقي مساال تتمهمش ما تعرش شتعمل تكمل في لغلط و تهرب من الواقع تتعاطي الوهم باش عروڨك يحبس فيهم الدم و تفكيرك يرزن تحب تنسي و تتناسي أما من غير فايدة تبقي في نفس الدوامة تبقي لوجيعة و الغصة الي في قلبك الي ما تنجمش تفسرهاا حتي بينك و بين روحك تحب تصلح و ترتب كل شي أما التفرعيس الي في حياتك ما يخليكش تڨدم خطوة تخمم لقدام و تحب تخرج ملي فيه و تولي احسن أما الواقع صعيب و ضروفك ما تسمحش تحاول انك تلڨي ثغرة في حياتك يمكن تكون نقطة بداية أما البيبان الكل تتسكر في وجهك صحيح يمكن عندك ذنب فلي قاعد يصير أما لوقتاش باش تبقي تخلص