تخاف تبقي وحدك تهرب من المواجهة بينك وبين روحك تخاف من اغلاطك الي عملتهم و متأكد منهم ما تحبش شريط حياتك يتعدي قدامك خاطر في لحساب تبقي مساال تتمهمش ما تعرش شتعمل تكمل في لغلط و تهرب من الواقع تتعاطي الوهم باش عروڨك يحبس فيهم الدم و تفكيرك يرزن تحب تنسي و تتناسي أما من غير فايدة تبقي في نفس الدوامة تبقي لوجيعة و الغصة الي في قلبك الي ما تنجمش تفسرهاا حتي بينك و بين روحك تحب تصلح و ترتب كل شي أما التفرعيس الي في حياتك ما يخليكش تڨدم خطوة تخمم لقدام و تحب تخرج ملي فيه و تولي احسن أما الواقع صعيب و ضروفك ما تسمحش تحاول انك تلڨي ثغرة في حياتك يمكن تكون نقطة بداية أما البيبان الكل تتسكر في وجهك صحيح يمكن عندك ذنب فلي قاعد يصير أما لوقتاش باش تبقي تخلص

كثر التخمام يتعب و يدخل في متهاات صعيب تخرج منهاا تحس روعك انك تبدلت و كرهت روحك .

الجريان وراا المادة يخليك تخسر كل شي و كل لحضة حلوة كنت باش تعيشهاا خاطر كان كل لحضة ما تجيش في وقتهاا معاش باش تحسها ولا راضي انك عملتهاا

كلنا بشر و ملياانيين عيوب أما الناس يشوفو الي يحبو يشوفوه و يحكمو عليك من الضاهر يضلموك حتي علي مصلحتهم الخاصة يستنولك الغلطة و قت الي هم واحليين في لغلط للعنكوش واقع صعيب و حلول قليلة يا توافق يا تنافق يا تبدل لبلاصة أما يلزم عندك الشجاعة باش تاخذ القرارر

عز نفسك تصيبهاا خاطر الدوام لربي و نفسك تبقي غالية

حارب عل شخص الي تحبو و يحبك و ما تخليهوش يضيع من ايديك خاطر ماكش باش تكون كامل كان بيه

صلح من روحك و ابدي من الصفر و ما يساالش دنيا مش جنة باش تطيح و تقوم و ديماا لباس

حب الناس و ما تحسدش اعمل الباهي و حتي كان باش تلڨي شر خاطر ما يدوملك كان فعلك

ما تبقاش في لبلاصة الي ماكش مرتاح فيها و تعيش بزوز وجوه

ما تخسرش قيمتك و ذاتك خاطر بلاش بيهم ماكش باش تسوي