Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حكايتهم من غير عنوان ...
Ikram Souilem - إكرام سويلم
بين قلبها و قلبوا حكاية ما فِهْمِتْهَاشْ
حاولت مرة توصفها ما عرفتش كيفاش
حبِّتْ تحطلها عنوان لكن العناوين الكل ما واتاتهاش
و قعدت حكايتهم من غير عنوان ...
هو عندوا غير حكايتها ميات حكاية و حكاية
و هي ما بين الخطوة و الخطوة تألّف رواية
حكايات عناوينها واضحة مراية
اما حكايتوا هو وياها حكاية من غير عنوان ،
صفحاتها بيض و نهايتها موش مخطوطة
و الوقت فيها غريب عقاربوا موش مظبوطة
حكايتهم تتعاش ما تتقراش
حبار سطورها ما يتراش
حكاية تتكتب من غير كلام
لا الفراق فيها يوجع و لا الرجوع يبدا بملام
>
،حكايتهم حكاية بلاش حروف
لكن احداثها مشكولة بالخوف
، خوف مِلِّي فات ، ملي جاي و مالظروف ...
هو يخاف من حكاياتها الجديدة
و من كل واحد يدخل لحياتها من غير ما بابها يِدُقْ
، يخاف من رواياتها القديمة
و ذكرياتها الي ليهم قلبها يرق
....،و يخاف منها كي يرى نظرة في عينيها مصور فيها مستقبل هو ماهوش لقشة منوا
و هي تخاف كي تحس روحها في حياتوا حكاية و تتعدي
،حكاية كي توفي تتنسي
،تخاف تقعد هي بذاكرة قوية و هو بذاكرة يخبط فيها الهوا
و تخاف من كتبتوا الي اسمها موش مكتوب فيهم
في جرة هالخوف حبوا يحطوا لحكايتهم عنوان لكن العناوين الكل ما واتاتهاش و قعدت حكايتهم من غير عنوان
بقلم
إكرام سويلم
Website Design Brisbane
Tags: