حبي يتبدل يتجدد

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Chaima Rebhi - شيماء رابحي

لا لا ما يتبدلش و ما يتعددش!

تتفكر وقت مشيت و خليتني؟!

اي اي وقت تعاركنا و قتلي حكايتنا وفات..

الي بيني و بينك مات..

تي احسبها نزوة و تعدات!

قتلي زادة الي آنا مراجة كي الصغار هراجة..

لا نسمع لكلام و لا لنصيحة محتاجة..

كالعزوزة خرنانة،ومها تعمل معايا عمرك ما تلقاني زاهية و فرحانة..

تمنيت لحظتها الارض تنشق و تبلعني..

اما لا هي انشقت و لا انت رحمتني..

وزدت على ما بيا و نفرتني..

وكي ناديتك حقرتني و كي مديتلك ايدي خذلتني..

حسيت وقتها حاجة خنقتني،سكينة تغرست في قلبي و جرحتني..

تمنيت يكون كابوس..خايب،منجوس..

كي نفيق منو نرميه في زنزانة و نخليه محبوس..

أما وقتها عرفت الي انا دخلت في داموس..

غارق،حزين،وقعدت بين البينين..

شيماء رابحي

Website Design Brisbane

Tags: