مع طلوع شمس طالت غيبتها..وفي كوخ صغير ماتت اميمتها..وخلات الوجيعة تاكل في بنيتها..وحيدة، يتيمة، غريبة في دنيتها..ذاقت مرارة الفراق والشوق زاد ليعتها..خبات الضحكة دمعتها ومع فجر جديد كتبت حلمتها..باست جبين والدها..وبصوت خافت ماتت فيه قوتها وقالت:يا بابا نخليكفي ارضك عايش مع ريحتها..نمشي للمدينة نلم رزقي و رزقك، نرجعلك في خير، نشدك من يديك و بيك نطير..

سالت الدمعة نعينيه عنقها وخباها بين يديه..همس في وذنيها وقاللها:يا بنيتي يا غالية عليا انا ليك و إنت ليا..في الدنيا ما عندي غيرك..عكازي الي عليه نتكى..يسندني يا ضوء عينيا..امشي وربي ينور دليلك وتبقى في قلبي وديما ندعيلك..فوق ظهرها هزت حملها..خطوة وراء خطوة تمشي وتتعثر وتمسح في دمعتها..خلات وراها والدها..ماسك الحيط و يتالم..يلوم زمانو الي خانو..

لا لا ما يتبدلش و ما يتعددش!

تتفكر وقت مشيت و خليتني؟!

اي اي وقت تعاركنا و قتلي حكايتنا وفات..

الي بيني و بينك مات..

في دنيا ظلام حليت عيني،وحدي بكيت وما لقيت شكون يواسيني،حزين و النار لاهبة في كنيني..في شوارع المدينة تهت و سرحت،مشيت في الزناقي ودرت،طوال الوقت وحسيت روحي جعت،قلت برا ناكل حاجة بنينة،فيها رشة حب من يديات الحنينة، تناديني وتقلي راك جعت يا ناري على وليدي..طيبتلك حاجة و تفننت في تحضيرها بيدي،يا أغلى ما عندي،يا كبيدي..

أما في لحظة فقت و الي ماعندي أهل تفكرت،وتفكرت الي آنا البارح من بوبالة الحومة فطرت..مش البارح كهو! لا من وقت الي عينيا فتحت..وكملت اطلفحت..ليل الليل،والليل آه يا ليل جيت نشكيلك!نشكيلك من سوادك الي ذوقني الويل..وصوت الرعد تقولش عليه عويل..ما راف بحالي وما قال مسكين صغير وماعندو خليل، يتيم وماعندو والي..