Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
جوجمة
Mohamed Fahd Khedher - محمد فهد خضرمحسوب وقيت كتيبة
البدن طاح
المخ الفارغ تعبى.
والدنيا معادش تدور
وقفت
اتكيت عالحيوط اللي بنيتها بعرق كنيني
تي شبيني
حتى كلمة ما تحميني
حتى بلاصة ما تهزني وتكفيني.
تي زايد الحديث مع اللي ما يحسكش
إي نعم..
أنا اللي معادش نحسني
معادش نفهمني
ومعادش نمسني
تحرقت بالحروف
وتقصيت طروف طروف
تخبيت في دار خايخة
تدفنت في تراكنها
وتنسيت..
معادش نتفكرني
تي تنفيت
ومانيش ناوي نرجع
حد ما ينجم يرجعني
كان اللي يعرف كيفاه من روحي
يمنعني
يخطاني
يبعدني
ويحاول يسمعني
كي منحكيش
ومنبكيش
منسألش
منعرفش
ومنضويش...
الدنيا ظلام والصوت اللي هرب ليه مدة بدا يقرب..
الحس قوى
الرعد ضرب في الدار الخايخة ومخلى في جد حيوطها شي..
حيوطها اللي بنيتهم أنا
وقت اللي كنت حتى شي
ومزلت حتى شي
تي شي من شي
وإخرت الصياح كي.
الموت فرعسني
وزاد على ما بيا
جبدني من قاع الخايبة
فتفتني وفتقني من بعضي.
إن الدموع تملأ المكان...
والحروف تذرف دماء الرحيل دون توقف..
تي متافقش
وبيع روحك للدنيا
اللي ميتشراش بالفلوس
يتشرا بالدم
نذبح الوقت
وندفنو في قلبي.
القلب صعيب
و الحكاية داخلة بعضها
لا ساس ولا راس.
في قالب نسوة
نسيت إلي أنا غالط
غالط في حق الوقت
أصلا مكنتش ناوي نخالط
الأفكار اللي مجوجمتني.
أنا الغريق فما خوفي من البلل
ماك تعرف الدنيا صعبت
كل شي غلا
و أحنا رخصنا..
أنا رخصت
غرقت في وسطي
والصوت مزال يقوى
الديار الكل طاحت
والدم نشح
والوقت رجع يمركي.
تي الرحمة لا
وحد ما فهم منين الحس جا...
تي محسوب وقيت كتيبة
البدن طاح
المخ المعبي فرغ
وأنا في وسط الخماضة هاذي الكل
لتوا ماجيتني..
منيش شنستناني ليالي
خاطر حتى خيالي
هرب
وخلالي برشا
جوجمة...
محمد فهد خضر
Website Design Brisbane
Tags: