تتفكّر نهار عرسنا شعملنا ؟

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Oumayma Karoui - أميمة القروي

تتفكّر قدّاش هْبِلنا و هْمِلنا ؟

تتفكّر صحفة اللّبلابي ؟

تتفكّر الرّكشة في الظّلمة و البرد عالبحر ؟

آنا بروبتي و إنتي بكسوة العرس ..

تتفكّر كي روّحنا على ساقينا ؟

أحنا شايخين و نضحكو و الكراهب تزمّر علينا ..

تتفكّر الورد الأحمر فوق فرشنا ؟

و مخادد الرّيش الّي مالهيجة تفرّتو علينا ؟

تتفكّر قليان الفريت و السّكالوب في السّهريّة ؟

هاك العشاء البنين .. إنتي بالڨيتارة وٱنا نغنّيلك تحت الياسمينة في اللّيل ..

تتفكّر الرّكشة بحذا الشّمينية ، و هاكِ الموزيكا الرّومنسيّة ؟

تتفكّر القطانية و الأفلام ؟

تتفكّر كيفاش سْهَرنا محمّلين بعضنا و حكينا أبنّ ما في الدّنيا من كلام ؟

تتفكّر كي قُلْتلك .. شاهية نعدّيو اللّيلة عازب و صبيّة ؟

و في عقلنا .. تو ندخلو عالم المغامرات الزّوجية ..

ليلِتْهَا قُلتْلِي على عيني و راسي .. يا روحي إنتي ، شهوة الصّبية بألف مشريّة

بقلم
أميمة القروي

Tags: