كان ما جاش الليل ستار عيوب

راني ما حكيتلوش عليك

راني ما قتلوش مازلت نخمم فيك

راني مازلت نجبد في النفس من وصت جواجيك

لعله فيها خير

كل مرة نقول بالكشي آخر مرة

نغلط و نعود نفس الكرة

الخيط ما تلقاه كان كيف تحل الصرة

العيشة بلا بيك موش حلوة و موش مرة

من غير طعم و من غير ملامح فارغة باسلة باردة شاردة

سارحه في التبعية و النمطية  لون رمادي موش مفهوم موش عارف يمين ولا يسار ضايع هايم و مهمش ما بين البينين.. واقف و مجمد في بلاصتو لا حيرتو لا ريح لا عاصفة لا نسمة لا همسة

لا لمسة مسلسل مكبل مربوط في طيف خيالك و انتي ولا على بالك.. بالك نسيت و لا تناسيت و لا سهيت