Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
اناديــك
Nawres Hammedi - نورس همادينحب 100 حاجة فيك
لون الليل فعينيك
ضو الشمس على خديك
نور الدنيا كي نفكر فيك
شعرك ومشية خطاويك
كلامك الموزون وكي نسرح فيك
الرنة وليتلبسو يواتيك
أفكارك وحكاويك
وكي نضيع بين يديك وتقلي متخافش الثنية اني نوريك
حنيتك و هبالي بيك
لعنة جنوني بقرباني ليك
نحب نرا سخانة شمس تضرب فيك
ومطرة خفيفة تصب عليك
وكي تعمل بلعاني وتخليني نموت غيرة عليك
نقتل الذبانة ليتقرب ليك
ونمحى الى يخمم باش يخمم فيك
وخزرة مستورة منهم تلوج عليا وتقلي هلكت فيك
محلا نسمة تهب عليك
ومرطب اللمسة منيديك
وكبسة يد قوية وفي كل عصرة تقلي يا فرحتي بيك
وكلامك الحلو وكل حرف يقلى كان تطلب عيني نعطيك
وشوية غرور وتقلى شكون كيفيك حبيبك هكا يدلل فيك
حتى القحرة كي نغلط نراها تقلى نبيع الدنيا ونشريك
وكي تغلط نجري نشكي بيك ..ليك وتقلى هذا ليبيك ! غلطة نحاسبو عليها والعقاب عليك
صوتك كي يعلى.. نسمعك تقلي اغلط يا عمري اني تو نوعيك
وبوسة مرصوصة تقلك ربي عليا لا ينحيك
وكي نطمان ونحط راسي على كتافيك
ضحكة دافية تعرى على سنيك
وكي تراني قلبك يفرح وكلشي يتحرك فيك
دمعة نازلة على خديك بسيف عليك
وغصة فصوتك بعد مقتلك نبعد عليك
تعنيقة وحشة لفي كل غمرة تقلي اني ليك
نظرة ساكتة اما تقلى تفرج قداشني مواتيك وتبسيمة خفيفة مغرورة تقلى شوف قداش خارج عليك
حلمة حلمناها واني خترتلك ليا فيها شريك
داري على صدرك وكى تقلى ايجا مدنيا نخبيك
وعلى قد الوحشة تقلى توا نهرب بيك
ولون الخوخ على خديك يقلى عمرى منسلم فيك
وتعب قلبي واني نبوس فيك ولا نهار شبعت بيك
المنفى كي نهرب نسمع قلبك يدق وكل دقة تقلى ايجا هاني اناديك
خيالك وكي تقلى اني أهلك واماليك
همساني في وذنيك
ونقلك كلام جديد عليا وتعرضني في ثنية الحروف وتقلى عينيا مليانة بيك
نورس همادي
Website Design Brisbane