كل واحد لاَهِي فهمُوا الي يحظِرْ في الأعْراس والي غاطِسْ مِساَسْ لرَاسْ في الباَساَسْ

والي عاملة خَدهَا مِبْوَاسْ ومنين تتعداَ يخْلِط علَاها لحَاسْ وبرا َعادْ من يا فراز شبيك ماَل ألَاز ْويا حُوتة نَمُوتْ عَلْقُوتة ..

والغريبة تلقاه َفَرطْاس اكثر طُفلة رَاها َكلَاسْ فباكو عصير اناناس وكان رَكْحِتلُو يوليلك عايش في الباَهاَمَاسْ وهو السيد وَاحِل في الكَابَاسْ وعَايش ديما في إِفْلَاس .

خويا قُول ميسَالش رَاك َعسَاسْ َمَتِكْذِبِشْ عَلى رُوحك وعلى بَِْنت الناَس ، مَاكِش ولد سِي عبَاس بَاش تَقُلها ويِن نهزك في الكرِيسْمَاسْ

قُلْهَا رَاك َتخْدِمْ جبَاسْ عَادي اما مَتِكْذبِشْ وْتقُلها نَجِيبْلك خَاتم ألْماَس ،أضْرِب الخَمَاسْ في الأَسْدَاسْ وكَانِكْ مش قادر عَلعَراس مَتكْذبش عَلى بَنَات الَناس خَلِي عَندك شوية إِحْساَس الَرجال بالفلُوس عُُمُرها مَا َتتَْقَاس ولوكَان يَبْدَاو عَندك أَكَْْدَاس أَكداس تبْقي لََحاَس

والرَاجل ِبلْحَقْ فَقِير وإِلا لَبَاسe ِبيه يَبْقي بَمخُو فَارِس ولْعَرْضوُ حَارِس وبِلِي الفَقِر بَضُلمُو َعلَِيه يَمَارِس يَبَْْقَى فِي الهَناء غَاطِس وكان يُْفْطر ويَتْعَشَي كَرَافس ُعمُرو مْيتبَع اَلفسَافِس لحاس يالى جايب فيها ّلباس وناسِي الى سَنيك كِي كَعبات بِسْبَاس فُسْط مِهْرَاس والصُفورية عَاملة أَقواس تقول خطوط أَديداس

اما محلاها دعواتنا من يراك من وذن لوذن كلْخراس وتاكل الحُصْحاَص ،ويراك في الظلام وحدك دَحّاس و يا فرطاس عيب ادور من نهج لنهج في الأناثي تَعاكس وانتي َسقِيك على ما عريضة تقول تَرَاكس َخلِي عاد كان َقربت تقول مَفوح بفِيتُوكس وكي الُمزَة تَعْكِسْ تَسْمع ما تيسر من كلام الُمولِيناكس وعبارات ايجا نتلمسْ يليِ تتراقِصْ خُويا تنَجم تكون َراجل منغير متلبس فيدك روُلاكِس وتشرب قهوة سَتاَرْبكَس وتجيب فاها مواطن صَالح تخلص التَاكس وانتي يعجلكش تدفع حق فَاكس