حلبْ وسط خيوط كرتوش يصُبْ والمسكين معندو وين يشِبْ وجُرحُو مَينْفَعشْ فيه الِطبْ ورَْد بَالِك تلَوج على سَبب ْيسكْرُولِكْ فُمك وينضْفوه بالشَبْ وزِيد يقُولُولِكْ هَانَا اننَدِدوُا ونَحْْظْروُا وانظروا عَلْ بلاَتُواتْ شَنوُ آخر تحب ! شنعملولهم اكثر مِسَبْ ! وخَلِي امَرْهُمْ يِدْبَرْ عَنْد الرَبْ ..

ارض بالجثث ولت مَكَبْ وروسيا عملت فيها للَدمْ مَصَبْ وبشار للكيماوي زاد ِجلَبْ وثورة على ثورة نواصي وعِتبْ والحرب الباردة الى قريناها فلْكتُبْ ولت حقيقة وعلى مسرح حلَب التاريخ باش يعاود يتكتب والمجزرة بعدد الموتى تترّتب والانسانية منها تتشّطب والجثث بعد ما تحت الأنقاض تتحطّبْ  يجي نهار والخاين لَكْ الارض معاش يَعَتِب

وقتها تموت الُنخب وضميرهم ملِعْبَة ينْسَحِب ومن المُسْتحب للنِقمَة يرّحب والعربي على خوه ليَوم الدِين يَندِم عَسْكُوت ويبقى يَنْدِبْ

َََحَرب إعلام يكذب وشكون المُذْنب كي الصغير 5سنين تحت القَصْف يتْعَذِب بعد مَلَحْمو دَم مِضَِربْ ...إدْعِي َيلِي تَوا فأمان عمرك الظلم مَتْجَرِب والعدو عُمرو منك مَيْقَرِب ..

ُُطُفلَة مَلاَيكة تَتْكَهْرِب وفي صفوف داعش تَدْرِب. وشْبِيك مِسْتَغْرب! ومن الحقيقة تتهرب وخايف مَوقفك يهْرب ِمنْمخك يَتْسَرِب

ُسُوري فأَرْضو مِتْغرب والبلاد وَلت بالحرب مَخَارب والمواطنين فِيرَان تََجَارب ودَمْهم كَتْشَبْ وَحياتهم تفَكِت غَصِب على جَرد منصب كبّش فيه واحد ِمتعصب والأمريكي للشعب السوري مندافو نَاصب وفي اسرائيل يدَاعب ويُوعد بتقسيم جديد للعالم  مُكَعَب وبحياة الشعب يَلْعَب وبالُرعب يَتْلاعب وتحالفْ السعودية بَقى كطفل قَاصر يشَاغِب وبالأُسْطول العسكرى تَبيع فرِيح للمَراكِب
رَبي ينُوب ويتجْبرْ المغْصُوب وقتِلي يتكشف المَلْعُوب ونَعرفو حقيقةْ هَلْ حَرب والمطلوب  ويبَان الى يتسكبن وهو عَلْجَاه مَكْلوب  وإنشاءالله علىَ قريب مِش لَلِي يَرجع يحيا الرسول المصلوب   يَوَلِي العَدو مِنَ قُوتنا مَرْعوب  وتشفىَ النُدوب  ويَرجع الحَقْ المسلوب  بجَاه محمد المَحبوب  ويَعقوب  ونرَاو بشار مغلوب ويرجع الشرف المَنْهُوب  ويخرج شر داعش من أرض الشَام مَنْكوب والصغار تحَادْفوا بالطُوب  ويطول الزمان ويرجع ينْبت الخَروب ..ربي ينُوب والعوبَة تَتْلبس ثُوب  وصوتنا يَملاَ الشَمَال والجَنوب وعلى خطَى السَلامْ نَقْطع الدُروب  ونُودع الظُلم عند الغُروب