في أسود أيام حالاتي!

الشمس نارها هادية و جمر نار قلبي يشعل !

البحر هادية أمواجو و آني آمواج قالبي هايجة مايجة !

الهواء صافي مصفي و آني ! الهواء عليه نلوج !

جرريت و جاريت !سهرت و سهرت !  تعبت و تعبت و تعبت ! علاش هكا و الله  حرام عليكم ! زعمة الجهد و الخدمة بالقلب تصلحوها بلا ڤلب بلا خوف من  العالمين بلا ضمير قدام رب العالمين!

بلادي تعطي كاار كان للغفاص !

تهين الفاهم المتعلم و ترميه رهينة في تركينة !

قد ما تحاول تكبر روحك ديما يصغروك !

تجي تصنع روحك يدمروك و يكملو عليك بالكلمة المشومة !

الحاصيلو مسكين طالب العلم في بلادي !

ما يعرف من تونس كان حمات الحمات و حاميها ديما حاراميها

النجاح بهات آش عندك في جيبك أخطانا من مخك ما عندو ما يزيدك !

حبّس مخك خليك جاهل خاطر جهلك و الا علمك ما عندو ما يفيدنا !

يقولولك اقرأ باش توصل و كي توصل للعين يقصو عليك الماء !

خسارة يا بلادي كنت نحب نفيدك أما إمّاليك بيك غرُّو و فيك كرهوني !

بالله خليوني بالله سيبوني !