مزلت نحلم ونتخيل الي الدنيا باش تتبدل ... باش ينتصر الخير على الشر ...باش تتحقق الاحلام ..باش نبكي من الفرحة الي باش تسكني..ومن الطمأنينة الي باش تلسني .. ومن الكلمة الي نطقتني .. تخيلت روحي مشيت لمكة وقعدت بعيد عليها ..وقتها بديت نتذكر في شنوا صارلي في حياتي الكل دمعت عيني منغير منشعر ..قويت روحي سجدت ؛وباعد عاودت سجدت ؛وعاودت سجدة اخرى :اما مع كل سجدة ،دمعة و مع كل دمعة، شهقة تهد الاجبال العالية،..تنطق الحجر ،..

نطقت وبكيت ..اي نعم بكيت من عذاب الدنيا القاسي كالحيط .. ..من القدر ..من الحظ ااي مواتنيش..من الضحكة الي مسكنتنيش . من التغلويظ الي داخلي .. من واقعي المر الي نذوق في سمو مع مرور الزمن .. بكيت..خاتر روحي ضايعة وسط الخبابل ..بكيت خاتر معاد فاهم شيئ.. بكيت على كل الحرمان والقهر الي تعرضتلوا ..من كل حد ضلمني ...من الذل الي عشتوا .. من الوجيعة ومن الحرقة الي داخلي ساكنتني كالبركان الفايض حارقتني ..كالكاس المليان تحطيم وبرشا حرمان وفقدان...

بكيت خاترني نحس في كل شيئ تبدل ..الدنيا..الاصحاب ..العباد..حتى من روحي تبدلت ..وليت نعيش في غربتين وسط غربة وحدة .غربة روحي الهاربة عليا وغربة بلادي ..بلادي الي ياكل فيها السوس ..ويحكم فيها الخاين والدسوس ...بلادي الارض الي حبوها أجدادي ..ارض الخير والبركة ودم أكبادي ...ارض الاحفاد ..الارض هذي هي تونس البية ..تونس الي كتب عليها ابو القاسم الشابي ..ومجدها البلاد هذي هي تونس الحرة ..المقدية ..الشامخة ..القوية ..المجاهدة ..المناضلة..

بتاريخها وحرايرها تقعد ام الزين الجمالية . ..ترفرف داخلنا رغم الخراب الي سكنها ..رغم كل شيئ حطمها .. رغم كل حد عفس عليها وذلها ..رغم كل حد حقرها وحبسها ..شلها..وقتلها..تقعد مزروعة داخلنا..مزروعة كالنوارة الشايحة نسقوها بدموع قلبوبنا باش تبقى عايشة و تتنفس..باش تبقى ترفرف ..تبقى ترفرف بحبها الي ميتمحاش ..وبشموغها الي ميتنساش ..نحبوك يا تونس