عينيها حزينة ..مكسورة ..عينيك مخبية حكاية مقبورة مدفونة ..

تحكي على وجع داخلها ..في تراكن قلبها ساكنها ..وفي وسط روحها لابسها ..وفي بدنها معذبها ..

يعذب في روحك الصافية ..روحك الطاهرة ..اثار العذاب عليك ظاهرة ..

ضاهر على بدنك الي يتحرك بلاروح ..

بلا حياة ..بلا نفس ..يعذب في جثتك المتعذبة وسط الناس ..مغروس في اعماق قلبك كالفاس ..يقضي على عروق الرااس ..

يقتل في روحك المضطربة ؛ المتذبذبة ..

كالدار الجميلة بلا ساس ..كالسانية الكبيرة الي بلا عساس ..يعذب في روحك ويغربل فيها وسطوا كالكسكاس .. قلبك انت كالدنيا هاذي الي فيها الفن ام بلا نااس ..

كالارض البور القاحلة ؛ الشايحة من الزرع ، من الخير الشايحة من قطرة ماء من السماء ...دنيتك انت موحشة كليالي الشتاء ..مزينتها بالدموع والندوب وزادة بالبكاء ..

مزينتها بصوت بنية صغيرة داخلها تعيط بالقوي ..تبكي وتطلب في النجدة من الناس الكل ..

من الناس الي دايرين بيها ذاقت المر ..

لين فاقت وباعد ما قامت بكات لين عيات ..قامت تجري ونسات ..

نسات عيشة الظلام..عيشة القبوع لكلام الغيرالجارح.. لمخها سارح..ولروحها فارح..نسات الحس والكلام..نسات الصوت والسلام..

عبات قلبها امان..وتعلمت تعيش بالاطمئنان ..

تعلمت تتنفس تحت البكاء ..تحت الجروح والالام ..تعلمت متتهدش وفي قوتها تكبش ..وعلى روحها متحبش ...