Zaineb S. - زينب س

روحت حليت لباب نلقى لولاد يتفرجو فالتلفزة ،شافوني :

-ماما محلاك

-ههههه باهي عيشكم لتوا ساهرين ،ايا شدو بيتكم

يعقوب :

-ماما نزيدو شوية

-لا بيتكم قولت

قامو بالسيف دخلو لبيتهم ،هارون خرج مالكوجينة يمضغ كان ياكل ،شافني حل فمو ،جاني دار بيا صاح فرد صيحة

-امبوسيبل هبلت غالية شنوة اللي عملتو في راسك

-هذي صحة متاعك

-انا صحة وينو شعرك ،كان يوصل لضهرك مشيت ضربتو للوذن و عاملتو في لحمر ولا موف ولا روز لباس في راسك ؟؟

-اوووه اموري راسي و انا حرة فيه نعمل فيه اللي نحب

جاني شدني من مرفقي

-من قبل قوتلك ما تقصوش عاجبك توا طلعت كال....

-كيف شنوة كمل كمل

نطرتلو يدو و بعدت عليه ماشية لبيتي

-انا ما فهمتش اش عندك فيا نتكولف انا على حجامتك مله والله

خلط عليا

-امان نسيت كي تقولي ما تحجمش لحيتك و تبدا تحك فيا و نخليها ،الناس ماشي في بالهم مصلي و سلفي

اطرشقت بالضحك ما فقتش بروحي

-ههههه توا تنجم تنحيها

قدم و جا بحذايا و انا حلة لقلس انحي فالبودي متاعي و فالسوتيان و نلوج عالبيجاما ،قربلي ،انا نخرج فالبودي و هو وحل في يدي شدني لصقني عالباب و شد يديا الزوز بيديه

-هارون فاش تعمل سيبني راسي شبيك

كمل نحالي المريول رماه وراه قعدت عريانة عيني في عينو ،جبد يدي حطها على خدو مشاها على لحيتو ،يا ميمتي قداش توحشتو نحب نبوسو

-شبيها لحيتي معادش تعجبك عادي عندك انحيها ولا نخليها

-على كيفك هارون

طفاني و هبط على ركايبو قدامي ،جا بش ينحيلي سروالي حل السلسلة عديت يدي على شعرو بعد شديتلو يدو

-هارون

-شبيك

-يزي عيشك تاعبة

قام غزرلي غزرة باردة

-حبيت نعاونك على تبديل دبشك كهو ما يمشيش مخك لبعيد انا زادة تاعب