Zaineb S. - زينب س

فالليل يروح بش يرضيني يحملني يقربلي يبوسني احنا نبداو و الصغار يقومو يبكيو الزوز مع بعضهم ،نقوم نجري نخليه ،يغم على راسو و يرجع يرقد

-ارقد ارقد سي هارون ماو ولادي وحدي

-غالية يزي ما تبداش نصبح نخدم الصباح

-اي و برا قوم عاوني ما نجمش نهز زوز مع بعضهم

-شنوة تحبني نعمللهم بش نرضعهم انا

-باهي باهي ارقد مش لازم ،خليني مشنوقة وحدي

تعبت برشا ،صغيرة و ما عنديش خبرة ،امي بعيدة عليا تسكن ما تنجمش تجيني ديما مارجتها بالتلفون

ماما امان علاش يبكيو زعمة شبيهم ،ماما شبيه عندو السخانة

ساعات نتعب و نفد هوما يبكيو نخليهم و نقعد نبكي معاهم ،معادش لاهية بروحي نلبس اللي يجي شعري ساعات ننساه ما نمشطوش المكياج نسيتو نحب نخرج نخدم اما منجمتش ،علاقتي بهارون بدات تتوتر و بردنا على بعضنا العلاقة ولات جنسية لا مشاعر ولا كلام ياخو اللي يحب عليه و يرقد ،حتى كيف يجي يشعل الضو نصيح

-لا لا طفيه

-تي علاش شبيك

-طفيه تو يقومو (نتسبب بالصغار و انا ما نحبوش يشوفني عريانة معادش عندي ثيقة في بدني ).....