Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حبيتك في تبسيمه
Ezzedine Choiya - عزالدين شويةحبّيتك في تبْسيمه و حبّيتك في خزره حنينه...
حبّيتك في برشا كلام و حبّيتك في نهار ملام..
حبّيتك وقت اللي غِرتي و عليّا تحيّرتي..
حبّيتك في غُشّك المزيان و حبّيتك ببرشا ألوان..
حبّيتك آمس و اليوم زادا نحبّك و غدوه و اللي بعدو مازلت نحبّك..
حبّيتك وقت اللي قُلتيها و أنا عندي مدّة نستنى فيها..
حبّيت "نحبّك" و هكّا بحِشمه نطقتيها..
حبِيت الورد على خدُودك و هذيكا اللي لمعتْ في عينوك..
حبّيت ترغريغة عينيك و البحر و الموج اللي فيك..
حبّيتك بكلّك و حبّيت البوسه من فمّك..
حبّيتك ببلادة و حبّيتك زادا بحنانه..
حبّيت "توحّشتك" وقت اللي لحظة عليك نغفل..
حبّيت النوّراه اللي تتفتّح في شفايفك وقت اللي تقوليها..
حبّيت شَعرك الحرير و من تحت الفولاره قَصّه تطُلّ..
حبّيت نخبّيها و من عين الشرّ نحميها..
حبّيت اللّمسه من يدّك مرّه على خدّي و مرّه على خدّك..
حبّيت الضُّحكه و السِّرّ اللي فيها، نقول حوريّه و نرجع نكذّب..
حبّيت البنيّه الصغرونة اللي فيك، تي حتى مالصُّغر كان انتي يواتيك..
حبّيت نسمّيك الغنجة خُفت يسمعوه و يتربّجوا بيك..
حبّيت نحبّك و تكون حلالي، امّا طريقنا طويل يا غنجه..
حبّيت نحبّك و نحبّك و نحبّك، امّا خساره ظهْرِت حلمه..
حبّيت نقلّك محْلى الحلمه و انا نحبّك..
عزالدين شوية
Website Design Brisbane
Tags: